काठमाण्डौं । वार्नर ब्रदर्सको निर्माण र ज्याक स्नाइडरको निर्देशनमा बनेको सुपरा हिरो फिल्म ुब्याटम्यान भर्सेस सुपरम्यान- ड्वान अफ जस्टिसले कीर्तिमानी कमाई गर्न सफल भएको छ।
फिल्म रिलिज भएको पहिलो सातामै संसारभरबाट चार सय छब्बिस मिलियन डलर कमाएको फिल्म एक हप्तामै धेरै कमाई गर्ने फिल्महरुको चौथो स्थानमा उक्लिएको छ। अहिले सम्मकै महँङ्गो भनिएको यो फिल्म व्यापारिक रुपमा सफल भए पनि समीक्षकहरुले उक्त फिल्ममाथि राम्रो प्रतिक्रिया दिएका छैनन्। ब्याट म्यान भर्सेस सुपर म्यान नेपालका विभिन्न हलहरुमा पनि प्रदर्शन भइरहेको छ।
उत्तरी अमेरिकामा मात्र १७ करोड कमाएको ब्याटम्यान भर्सेस सुपरम्यानले निकै कम हलिउड फिल्म हेरिने चीनमा पनि उत्कृष्ट व्यापार गरेको छ। सिन्ह्वाका अनुसार फिल्मले चिनमा एक सातामा १० करोड डलर कमाएको छ।
२१ चैत २०७२, ३.००
वि.सं.२०७२ चैत २१ आइतवार १७:१८ मा प्रकाशित
