काठमाण्डौं । निजी क्षेत्रको ठूलो मोवाइल सेवा प्रदायक कम्पनी एनसेलको स्वामित्व बिक्री हुँदा त्यसबापत सरकारले पाउनुपर्ने कर असुल गर्न नयाँ शक्ति नेपालले ठूला करदाता कार्यालयलाई सचेत गराएको छ ।
एनसेलको ८० प्रतिशत स्वामित्व टेलियासोनेराले मलेसियन कम्पनी एक्जियटालाई बिक्री गर्दा कर छली गरेको भन्दै पूर्व प्रधानमन्त्री डा. बाबुराम भट्टराई नेतृत्वको नयाँ शक्ति नेपालले असुल गर्न सचेत गराएको हो। नयाँ शक्ति नेपालका प्रवक्ता खिमलाल देवकोटाले एनसेलको स्वामित्व बिक्री हुँदा त्यसबापत सरकारलाई कर तिर्नुपर्दैन भन्ने ब्याख्या सबैतिर भएकाले त्यसविरुद्ध खबरदारी गरेको बताए।
नयाँ शक्तिले यदि एनसेलसँग कर असुल गर्ने प्रक्रिया नथालिए देशब्यापी रुपमा एनसेल मोवाइल बहिस्कार नै गर्ने चेतावनी दिएको बताइएकोछ ।
५ बैशाख २०७३, ११।००
वि.सं.२०७३ वैशाख ५ आइतवार १४:५९ मा प्रकाशित
