काठमाण्डौं । एक व्यापारीको ३६ लाख रुपैयाँ सोमबार अनौठो किसिमले लुटिएको छ। सुन्धाराको सिटिसी मलमा इलेक्ट्रोनिक पसल रहेका ३९ वर्षीय शोभाकर पोखरेल बैँकबाट ३६ लाख रुपैयाँ नगद निकालेर बाटोमा हिँड्दै थिए।
भोटेबहालको बाटोमा हिँडिरहेका बेला कीर्तिपुर–५ बस्ने अर्घाखाँची केरुङ–१ का पोखरेललाई अपरिचित व्यक्तिहरुले नशालु पदार्थ सुँघाए। यसलगत्तै उनी अचेत भए।
होसमा आउँदा उनी बल्खुस्थित कुमारी क्लबको झाडीमा थिए। साथमा रहेको बैंकबाट निकालेर ल्याएको ३६ लाख रुपैयाँ नगद र पानासोनिक मोवाइल १ थान गायब थियो।
उनको हाल वीर अस्पतालमा उपचार भइरहेको छ ।
७ बैशाख २०७२, १।००
वि.सं.२०७३ वैशाख ७ मंगलवार १४:५४ मा प्रकाशित
