इलाम । जिल्लाको एकतप्पा गाविसमा सञ्चालित एकतप्पा बहुमुखी क्याम्पसको नयाँ भवन निर्माणका लागि स्थानीय नौजनाले १४ रोपनी जग्गा निःशुल्क दान गरेका छन्। क्याम्पसको भवन निर्माणका लागि समाजसेवी तथा स्थानीय बासिन्दाले एकतप्पामा रु ५० लाख मूल्य बराबरको जग्गादान गरेका हुन्।
एकतप्पा–३ का भीमबहादुर श्रेष्ठ, वडा नं ४ का तीर्थराज मिश्र, देवीचरण पौडेल, पिताम्वर पौडेल, केदारनाथ खनाल, गणेशप्रसाद नेपाल, ऋतुकान्त खनाल, वडा नं ५ का नन्दकुमारी श्रेष्ठ र रामचन्द्र खनालले जग्गादान गरे।
भवन अभावमा क्याम्पस सिंहदेवी उच्च माविमै बस्नुपर्ने बाध्यता रहेको छ। २०७१ सालदेखि सञ्चालन भइरहेको बहुमुखी क्याम्पसलाई प्राप्त जग्गामा भवन निर्माण सुरु गरिने शिक्षक खगेन्द्रप्रसाद भट्टराईले जानकारी दिए।
२३ बैशाख २०७३, ९.००
वि.सं.२०७३ वैशाख २३ बिहीवार ११:१२ मा प्रकाशित
