काठमाण्डौं । यस साता शेयरबजारमा पाँच अर्ब २८ करोड बराबरको शेयर किनबेच भएको छ । साताभर पाँच दिन खुलेको बजारमा विहिबार मात्रै एक अर्ब १८ करोड बढीको शेयर किनबेच भएको थियो । यस साता शेयर बजारमा ४८ लाख कित्ता बोनश शेयर थपिएको छ ।
अधिकांस कम्पनीहरुले नाफामा उल्लेखीय वृद्धि गरेको विवरण सहितको चालु आवको तेस्रो त्रैमासिक वित्तीय विवरणहरु प्रकाशित गरेका कारण शेयर बजारमा त्यसको प्रभाव परेको हो ।
साताको पाँच व्यापार दिनमा बुधबार बाहेक सबै दिन बढेको नेप्से अघिल्लो साताको तुलनामा ९.२५ अंकले बढेर अन्तिम दिन १४८१.९४ अंकमा पुगेको छ ।
यो साता बजारमा २३ हजार २ सय २८ कारोबारबाट पाँच अर्ब २८ करोड ६० लाख ९१ हजार रुपैयाँ बराबरका ४ लाख १४ हजार चार सय ७० कित्ता सेयरहरु खरिद बिक्री भएका छन् । कारोबार रकम गत साताको भन्दा ६६.११ प्रतिशत बढि हो ।
गत साता १४४ कम्पनीहरुको कारोबार भएको थियोे । जस अनुसार १४ हजार ७ सय ५६ कारोबारबाट तीन अर्ब १८ करोड २३ लाख ५२ हजार रुपैयाँ बराबरका ५० लाख छ हजार छ सय ८० कित्ता सेयरहरु खरिद बिक्री भएका थिए ।
३१ बैशाख २०७३, ३.३०
वि.सं.२०७३ वैशाख ३१ शुक्रवार १५:४१ मा प्रकाशित
