भक्तपुर । आज बिहान ७ बजेबाट कक्षा ११ को परीक्षा देशभर एकै साथ सुरु भएको छ ।
उच्च माध्यमिक शिक्षा परिषद्ले कक्षा १२ को परीक्षा गत शुक्रबार सम्पन्न गरेपछि आजबाट कक्षा ११ को परीक्षा सुरु भएको हो । आगामी १२ गतेसम्म सञ्चालन हुने परीक्षामा तीन लाख ६९ हजार ४२६ परीक्षार्थी सहभागी भएका छन् ।
परीक्षाका लागि ९२१ केन्द्राध्यक्ष, दुई हजार ५१२ सहायक केन्द्राध्यक्ष, एक हजार ९२१ पर्यवेक्षक, १३ हजार ४३० जना निरीक्षक, एक हजार ६४१ जना कर्मचारी, दुई हजार ४७६ जना कार्यालय सहयोगी, ११ हजार ५२ जना सुरक्षाकर्मी गरी ३३ हजार ९५३ जना परिचालित हुने परीक्षा नियन्त्रण कार्यालयले जनाएको छ ।
२ जेठ २०७३, ८।००
वि.सं.२०७३ जेठ २ आइतवार ११:४६ मा प्रकाशित
