चितवन । आइतबार राति आएको हावाहुरीले जिल्लाका विभिन्न क्षेत्रमा लगाएको केराखेती नष्ट भएको छ ।
केरा उत्पादक सङ्घका अध्यक्ष विष्णुहरी पन्तका अनुसार जिल्लाका रत्ननगर, पिठ्वा, जगतपुर, जुटपानी, पदमपुरलगायत क्षेत्रका क्षति पुगेको छ । यस वर्ष हावाहुरीले ३४ करोड बढीको केराखेती नष्ट भएको उनले बताए । उनको आफ्नै केरा बगानमा एकहजार ५०० बढी बोट नष्ट भएका छन् ।
यस अघि वैशाखमा हावाहुरीका कारण नौ हजार केराका बोट नष्ट भएका जिल्ला कृषि विकास कार्यालयका बागबानी विकास अधिकृत धनबहादुर थापाले जानकारी दिनुभयो । जिल्लमा अहिले करिब दुई हजार २०० बिगाहामा केरा लगाइएको र वार्षिक रु ६० करोड बढीको कारोबार हुँदै आएको बताइएको छ ।
प्रकाशितः २०७३ वैशाख ३
वि.सं.२०७३ जेठ ३ सोमवार १४:०१ मा प्रकाशित
