डडेल्धुरा । लोप हुन लागेको गद्धी भैँसी संरक्षणका लागि जिल्लाको अशिग्रामका किसान सक्रिय भएका छन् ।
गाउँमा गद्धी भैँसी संरक्षण समूह बनाएर स्थानीयले सक्रियता बढाएका हुन् । अशिग्राम गाउँमा किसानले ४०० भन्दा बढी गद्धी भैँसी पालनपोषण गर्दैआएका छन् । जिल्ला पशुसेवा कार्यालयको प्राविधिक तथा आर्थिक सहयोगमा समूह गठन गरी उनीहरु भैँसीको सरक्षंणमा लागेका हुन् ।
दैनिक १५ देखि २० लिटरसम्म दूध दिने गद्धी भैँसी सरंक्षण गर्न अशिग्राममा महाभारत दुग्ध सहकारी संस्था र निरपाल गद्धी भँैसी सरंक्षण समूह साउखर्क लागि परेका हुन् ।
अन्य भैँसीको तुलनामा ठूलो हुने भएकाले यो भैँसीको नाम गद्धी राखिएको हुनसक्ने बूढापाकाको भनाइ छ । जुनसुकै ठाउँमा सजिलैसँग चरिचरन गर्नसक्ने तथा भिरपाखामा सहजै उक्लन र ओरल्न सक्ने भएकाले यो भैँसीलाई पालन पोषणका लागि सजिलो मानिन्छ ।
अन्य भैँसीको तुलनामा यसले दूध धेरै दिन्छ । एक किलो दूध रु ४० मा बिक्री हुने गरेको छ भने घ्यूको मूल्य प्रतिकिलो रु ५५० पर्छ । व्यावसायिक रुपमा दूध घ्यू बेच्ने किसानका लागि भैँसी आम्दानीको राम्रो स्रोत मानिए पनि पछिल्लो समयमा मासु प्रयोजनका लागि बाहिरी जिल्ला निकासा हुन थालेपछि सबैखाले भैँसीका जात लोप हँुदै गइरहेका छन् ।
५ जेठ २०७३, ८।००
वि.सं.२०७३ जेठ ५ बुधवार १३:२२ मा प्रकाशित
