back
NMB ad

मृत्युलाई जित्दै जित्दै मुस्ताङका गुरुङले सगरमाथाको टुप्पो छोए …

Kumari bank ad

मे १३ तारिखका बिहानको ९ बजेर ४५ मिनेट जाँदा संसारकै सबैभन्दा अग्लो सगरमाथाको शिखरमा ९ जनाको एउटा समूह पुग्यो । बेलायतबाट आएका ४ जना विदेशी पर्यटक सहित ५ जना शेर्पाहरुको टोली थियो त्यो । विदेशी पर्यटक एवं नेपाली आरोहीसँग सयौं शेर्पाहरुले कैयौं पटक सगरमाथा चढिसकेका छन् । यो कुनै नौलो कुरा हैन । त्यही शेर्पाहरुको भीडमा सगरमाथा चुम्ने एक थिए, छिमी ल्हेण्डुक गुरुङ । छिमीले त्यहाँ पाइला राखेसँगै एउटा इतिहास कोरियो, मुस्ताङ जिल्लाबाट पहिलो पटक सगरमाथा चढ्ने व्यक्ति बने उनी ।

Chhimi Lahenduk Gurung

मुस्ताङ जिल्ला छोसेर गाविस वडा नं. ८ मा स्वर्गीय बुवा धा धुरु गुरुङ र स्वर्गीय आमा याङ्गी गुरुङको कोखबाट बि.सं. २०४३ सालमा उनी जन्मिएका थिए । उनी सानै छँदा आमाबुवा बिते । उनी दाजुभाउजुका माझमा हुर्किए । ९ कक्षासम्म पढे र त्यसपछि पढाईलाई निरन्तरता दिन सकेनन् । ‘मेरो दिमागले भेटेन’ पढाई सम्बन्धी जिज्ञासामा उनले हाँस्दै भने । घरको दुःख र काठमाण्डौं आएर केहीगर्ने इच्छाले उनी राजधानी हानिए । यता उता काम गरे । त्यही क्रममा दोलखाकी पेम्बा छुकी शेर्पासँग उनको भेट भयो । माया प्रेम बस्यो र उनीहरुले विवाह गरे । अहिले ४ वर्षकी एउटी छोरी छ । शेर्पाकी छोरीसँगको विवाहले उनलाई पर्यटन क्षेत्रतर्फ डो¥यायो ।

पेम्बाका दाजुभाइ पनि शेर्पा काम गर्छन् । उनीहरु पर्यटकलाई बेसक्याम्पसम्म लैजाने र त्यहाँबाट सगरमाथको टुप्पामा पु¥याएर सकुशल फिर्ता ल्याउने काममा पोख्त बनिसकेका थिए जतिबेला छिमीको उनीहरुसँग भेट भयो । उनीहरुकै सरसल्लाह अनुसार छिमी पनि जीवन धान्नका लागि ट्रेकिङ पेशामा आबद्ध भएका रहेछन् ।

उनले सन् २०१३ देखि सगरमाथाको शिखर चुम्ने सपना देखका थिए । तर यो सपना सजिलो थिएन र सस्तो पनि थिएन । यो सपना पूरा गर्नका लागि उनलाई २०–२५ लाख रुपैयाँ चाहिन्थ्यो । तर दैबले उनलाई तँ आँट म पु¥याउँछु भनेका थिए, त्यसैले म सोच्दै नसोचेको क्षेत्रतिर आएँ जस्तो लाग्छ उनी भन्छन् । त्यसैले त उनी ‘शेर्पा’ बने ।

सगरमाथा चढ्ने चाहनाले सन् २०१३ मा उनले पहिलो पटक प्रयास गरे । उनकै भनाईमा केही ‘खैरे’हरुको ‘शेर्पा’ बनेर उनी बेसक्याम्पबाट उकालो लागे । तर क्याम्प ४ मा पुगेपछि प्रकृतिले उनीहरुको साथ दिएन । कुहिरो, हावा एवं पानीले उनीहरुलाई निरन्तर अवरोध गरिरह्यो । उनीहरु त्यहीबाट निराश हुँदै फर्किए ।

त्यति भए पनि उनले हिम्मत हारेनन् । फेरि सन् २०१४ मा उनले सगरमाथा चढ्ने प्रयत्न गरे । यसपटक उनी क्याम्प २ सम्म पुगे । क्याम्प २ पुगेपछि फेरि उनलाई भाग्य, प्रकृतिले साथ दिएन । उनी दुर्घटनामा परे र टाउकोमा चोट लिएर फर्किए । त्यही समयमा हो ७/८ जना नेपाली पोर्टरहरु मरेको उनी सम्झन्छन् ।

२०१५ त नेपाल र नेपालीका लागि दुःखद वर्ष नै रह्यो । त्यो वर्ष उनले सगरमाथा चढ्ने बारे कल्पना पनि गर्न सकेनन् । तर त्यही वर्ष उनले शेर्पा बनेरै मुस्ताङ र मनाङ जिल्लाको बीचमा रहेको  उचाईको सारिपोङ हिमाल चढे । यसले उनलाई आँट दियो । उनले त्यति नै बेला अठोट लिए म सगथरमाथा चढेरै छाड्छु । तर, उनको घर परिवारले उनलाई यो अनुमति दिएन, दुई पटकको असफल प्रयास र तेस्रो पटक पनि नराम्रो हुनसक्छ भन्ने शंकाले उनकी श्रीमती र दाजुभाउजुले उनलाई रोक्न खाजे । जसले जे भनेपनि यसपटक छिमी सगरमाथामा पाइला राख्ने सोचमा थिए ।

बेलायतबाट आएका ४ जना विदेशी पर्यटकको शेर्पा बनेर उनी अन्य ४ साथीहरुसँगै सगरमाथा बेसक्याम्प पुगे । १२ केजी सामान बोकेर उनी अन्य ८ जना सहित त्यहाँबाट क्याम्प ४ हुँदै शिखरको बाटो समाउन हिंडे । यता काठमाण्डौंमा रहेकी उनकी श्रीमतीले गुम्बामा गएर बत्ती बालिन्, छिमीका लागि पूजा गरिन् । क्याम्प २ मा पुगेपछि उनले ८ केजी भारी बोके र शिखरतिर लम्किए । क्याम्प १ बाट रातीको ९ बजे उनीहरु सगरमाथाको शिखरका लागि हिंडे । १२ घण्टा ४५ मिनेट पछि उनी सगरमाथाको शिखरमा पुगे ।

chimmi Lahenduk

चार वर्षको सपना र तीन पटकको अथक प्रयासमा शिखर चुमेका उनले त्यहाँ मात्र १५ मिनेट बिताए । ‘हावा चलिरहेको थियो, हावासँगै हिउँ पनि आइरहेको थियो त्यसैले धेरै बेर बस्न सकिएन’ उनले आफ्नो अनुभव बताए । शिखरमा पुगेपछि उनले चारैतिर हिमालहरु देखे, बादलका थुप्राहरुको टुप्पा टुप्पामा हिमाल देखे । उनलाई स्वर्ग जिते जस्तो भयो ।

टे«किङ गर्दै विदेशी पर्यटकलाई डो¥याउँदै घरवरिवारसँग सम्पर्क विहिन बनेको २५ दिनपछि उनी फर्किए । ‘बेसक्याम्प आएपछि मैले सगथरमाथा चढें भनेर पहिले श्रीमतीलाई फोन गरे अनि दाजुभाउजुलाई फोन गरे, उनीहरु पनि खुशी भए, म झन् खुशी थिएँ’ छिमीले आफ्नो अनुभव बाँडे ।

नम कमाउने रहरले उनले सगरमाथा चढे । ‘मुस्ताङ जिल्लाबाट सगरमाथा चढ्ने म पहिलो हुँ’ उनी भन्छन् । यसबारेमा उनले मुस्ताङ समाजलाई खबर गरिसकेका छन्, अब  सगरमाथा चढेको प्रमाणपत्रसँगै उनी आफ्नो नाम स्थापित गर्न लागि पर्नेछन् ।

– इरादा पहाडी, १३ जेठ २०७३, ४.३०

 

 

 

 

वि.सं.२०७३ जेठ १४ शुक्रवार १५:२४ मा प्रकाशित

You can share this post!

आज यी कम्पनीमा झुम्मिए लगानीकर्ता, कुनको कति भयो कारोबार ?

आज यी कम्पनीमा झुम्मिए लगानीकर्ता, कुनको कति भयो कारोबार ?

वि.सं.२०८१ असार ५ बुधवार १५:११

काठमाडौं । साताको चौथो कारोबार दिन सेयर बजारमा सामान्य सुधार...

सेयर बजारमा सामान्य सुधार आउँदा यी कम्पनीको सेयर मूल्य उच्च दरमा बढ्यो

सेयर बजारमा सामान्य सुधार आउँदा यी कम्पनीको सेयर मूल्य उच्च दरमा बढ्यो

वि.सं.२०८१ असार ५ बुधवार १५:०६

काठमाडौं । साताको चौथो कारोबार दिन सेयर बजारमा सामान्य सुधार...

ग्लोबल आइएमई बैंकको उत्कृष्ट बैंकिङ्ग सेवा र अब्बल नतिजाको यात्रा

ग्लोबल आइएमई बैंकको उत्कृष्ट बैंकिङ्ग सेवा र अब्बल नतिजाको यात्रा

वि.सं.२०८१ असार ५ बुधवार १३:५४

काठमाडौं । विश्वका विभिन्न कुनाहरुमा स्थापना भएको सम्पूर्ण ब्यवसायहरुले आफ्नो...

समस्याग्रस्त ३ सहकारीको सम्पूर्ण बचत फिर्ता

समस्याग्रस्त ३ सहकारीको सम्पूर्ण बचत फिर्ता

वि.सं.२०८१ असार ५ बुधवार १३:३७

काठमाडौं । भूमि ब्यवस्था, सहकारी तथा गरिवी निवारण मन्त्री बलराम...

महिन्द्राले ल्यायो ”ज्याला फ्रि, बोलेरो मर्मत र सर्भिसिङ्गमा बचत बढी“ योजना

महिन्द्राले ल्यायो ”ज्याला फ्रि, बोलेरो मर्मत र सर्भिसिङ्गमा बचत बढी“ योजना

वि.सं.२०८१ असार ५ बुधवार १३:२९

काठमाडौं । अग्नि ग्रुप अन्तर्गत बालाजु अटो वर्कसले आफ्ना महिन्द्रा...

स्वीट्जरल्याण्ड र जर्मनीको भ्रमण पूरा गरी  राष्ट्रपति पौडेल स्वदेश फिर्ता   

स्वीट्जरल्याण्ड र जर्मनीको भ्रमण पूरा गरी  राष्ट्रपति पौडेल स्वदेश फिर्ता   

वि.सं.२०८१ असार ५ बुधवार ११:१०

काठमाडौँ, ५ असारः राष्ट्रपति रामचन्द्र पौडेल स्वदेश फर्कनुभएको छ ।...