काठमाण्डौं । आज सेयर बजारमा बिमा कम्पनीको सेयरको उच्च कारोबार हुन पुगेको छ । योसँगै बिमा कम्पनीहरुको मूल्य अकासिँदा समग्र बजार २० अंकले बढ्दै कारोबार झन्डै २०० करोडको हाराहारीमा पुगेको छ ।
सेयर बजारमा नेप्से सुचक, कारोबार रकम र बिमा सुचकले सबै रेकर्डलाई तोडेका छन् । बिमा सुचक ५९५.४३ अंकले बढेको छ भने हिजोसम्म उच्च बिन्दुमा रहेका बैक र होटल समूहको सूचक रातो हुँदासमेत बिमाले बजारलाई २० अंकमाथि पुर्याएको हो ।
नेप्से सुचक १९.९० अंकले बढेर १५६६.७० अंकमा पुगेको छ । दिनभरीमा १३७ कम्पनीका एक अर्ब ८९ अर्ब ९४ करोड रुपैयाँको सेयर कारोबार भएको छ ।
नेपाल लाइफ इन्स्योरेन्सको एफपिओ आउने भएपछि २४ करोड आठ लाख रुपैयाँको सेयर किनबेच भएको छ । बजारमा आठ बिमा कम्पनीसहित १२ कम्पनीको सेयर मूल्य १० प्रतिशतले बढेको छ ।
२७ जेठ २०७३, ३।३०
वि.सं.२०७३ जेठ २७ बिहीवार १६:२३ मा प्रकाशित
