काठमाण्डौं । कञ्चन डेभलपमेण्ट बैंक लिमिटेडको विशेष साधारण सभाले ५० प्रतिशत हकप्रद सेयर दिने प्रस्ताव पारित गरेको छ । बैंकले पुँजी बृद्धिका लागि हकप्रद निष्कासन गर्न लागेको हो ।
दुई बराबर एकका दरले हकप्रद निष्कासन गर्दा चुक्ता पुँजी २९ करोड ७० लाख रुपैयाँ पुग्नेछ । त्यस्तै साधारण सभाले सस्थापक समूहमा रहेको ७० प्रतिशत मध्येबाट २७.१४ प्रतिशत सेयर साधारण समूहमा परिवर्तन गर्ने निर्णय पनि गरेको छ ।
हिजो शनिबार सम्पन्न साधारण सभाले आगामी असोज मसान्त सम्म चुक्ता पुँजी २९ करोड रुपैयाँ पुर्याउने निर्णय गरेको हो । यो बैंकले २०७४ साल असारसम्म चुक्ता पुँजी ५० करोड रुपैयाँ पुर्याउनु पर्नेछ ।
५ असार २०७३, ९.००
वि.सं.२०७३ असार ५ आइतवार ११:३६ मा प्रकाशित
