back
mega bank Ad
Hero Ad

काठमाडौका १९ पेट्रोल पम्पका शिल भित्रै तेल घटबढ गर्ने रिमोट चिप्स

काठमाडौ । तेल भर्दै हुनुहुन्छ, होशियार ! अब सरकारी कर्मचारीकै मिलेमतोमा पेट्रोल पम्पहरुले तपाईलाई कम तेल दिन सक्छन् । हो यस्तै खुलासा सार्वजनिक भएको छ । त्यो पनि नेपाल सरकारकै सहसचिव लेबलमा कर्मचारी बाट ।

नेपाल सरकारका सहसचिव रामआधार साहले कर्मचारीको मिलेमतोमा पेट्रोल पम्पहरुले शिल भित्रै तेल थपघट गर्ने रिमोट चिप्स जडान गरि उपभोक्ता ठग्ने काम भईरहेको खुलासा गरेका छन् । नियमनकारी सम्बद्ध निकायले सही, वैज्ञानिक, प्रक्रियाबद्ध र नियमित रुपमा अनुगमन नगर्दा उपभोक्ताहरु ठगीको शिकार हुनु परेको उनको भनाई छ ।

नेपाल गुणस्तर तथा नापतौल विभागका पूर्व महानिर्देशक समेत रहेका साहले शिल लगायत पम्पको सम्पूर्ण रुपमा निरीक्षण र तेलको बहाव नाप जाँच गर्ने काम नहुँदा उपभोक्ताहरु ठगीमा पर्नुपर्ने स्थिति रहेको बताएका हुन् ।

मंगलबार रिपोर्टर्स क्लबले काठमाडौंमा आयोजना गरेको पत्रकार सम्मेलनमा सहसचिव साहले कर्मचारीको मिलोमतो बिना पेट्रोल पम्प व्यावसायीहरुले गलत उपकरणको प्रयोग गरेर ठगी गर्न नसक्ने उनको दाबी छ । उनले भने,–‘दुरुस्त शिल भित्र तेललाई घटबढ गर्ने रिमोटको चिप्सजस्ता उपकरणहरु फेला पर्नु कर्मचारीको मिलोमतो बिना सम्भव नै छैन ।’

ram-adhar-saha

उपत्यकाका १९ ओटा पेट्रोलपम्पमा तेललाई घटबढ गर्ने रिमोटको चिप्स फेला परेपछि गत साल मङ्सिर २७ गते सहसचिव साहलाई पक्राउ गरी प्रहरीले कालोबजारी तथा ठगी मुद्धा लगाएको थियो । सहसचिव साहले नेपाल गुणस्तर तथा नापतौल विभागको महानिर्देशक हुँदा पेट्रोल पम्पहरुमा डिजिटल प्रविधि जडान गर्न लगाएको भन्दै प्रहरीले पक्राउ गरेर अनुसन्धान तथा कारबाही प्रक्रिया अगाडि बढाएको थियो ।

पुर्पक्षका लागि गत सात महिनायता कारागारमा रहँदै आएका साहलाई जिल्ला अदालत ललितपुरले गत असार २४ गते निर्दोष ठहर गर्दै सफाइ दिएको थियो । अदालतले सहसचिव साह कसुरदार रहेको कुनै पनि आधार तथा प्रमाण नभेटिएको, पेट्रोलपम्पहरुमा डिजिटल प्रविधि जडान गर्ने काम नेपाल सरकारको निर्णय अनुसार भएको र साह सोको कार्यान्वयन गर्ने अधिकारी मात्र भएको र पेट्रोल पम्पहरुमा चिप्स लगाएर रिमोटबाट तेलको बहाबलाई नियन्त्रण गर्ने घटनाको समयमा सहसचिव साह विज्ञान तथा प्रविधि मन्त्रालयमा कार्यरत रहेको भन्दै उनको संलग्नता ठहर हुन नसक्ने भन्दै सफाइ दिएको हो ।

सहसचिव साह नेपाल गुणस्तर तथा नापतौल विभागका महानिर्देशक हुनु पूर्व देखि नै पेट्रोल पम्पहरुमा डिजिटल प्रविधिको उपयोग थालिएको हो । तत्कालिन उपभोक्ता हित, उद्योग तथा आपूर्ति संसदीय समितिका संयोजक भीम आचार्यको संयोजकत्वमा गठित नेपाल आयल निगमको कार्यसञ्चालन र व्यवस्थापनमा गर्नुपर्ने सुधार सम्बन्धमा गठित उच्चस्तरीय समितिले दिएको प्रतिवेदनका आधारमा नेपाल सरकारले डिजिटल प्रविधि जडान गर्ने कार्यलाई लागु गरिएको थियो ।

डिजिटल प्रविधि जडान गर्न सरकारलाई सिफरिस गरेको सो समितिका सदस्य ज्योति बानियाँले डिजिटल प्रविधिलाई कार्यान्वयन गराएर कालोबजारी र ठगी गरेको भन्दै साह विरुद्ध उजुरी गरेका थिए ।

उपत्यकाका १९ ओटा पेट्रोलपम्पहरुमा रिमोटबाट नियन्त्रित हुने चिप्सको प्रयोग गरेर तेलमा घटबढ भएको घटनाको बेला सहसचिव साह विज्ञान तथा प्रविधि मन्त्रालयमा कार्यरत थिए । उनी करिब दुई वर्षअघि नै नेपाल गुणस्तर तथा नापतौल विभाग बाट सरुवा भएर विज्ञान तथा प्रविधि मन्त्रालयमा आएका थिए । सहसचिव साहले पेट्रोल पम्पहरुको शिल जाँच गर्ने, अनुगमन, नियन्त्रण र निर्देशन गर्ने कर्मचारीहरुलाई चोख्याएर आफूविरुद्ध मुद्दा लगाउने कार्य दुर्नियत वश भएको पनि बताएका छन् ।

प्रकाशित मितिः २०७३ साउन ४

वि.सं.२०७३ साउन ४ मंगलवार १५:१७ मा प्रकाशित

You can share this post!

आज २३ कात्तिक २०७९, बुधबार, यस्तो छ आज तपाईंका राशिफल

आज २३ कात्तिक २०७९, बुधबार, यस्तो छ आज तपाईंका राशिफल

वि.सं.२०७९ कात्तिक २३ बुधवार ०६:३५

आजको पात्रो : २३ कात्तिक २०७९, बुधबार । तद्नुसार नोभेम्बर...

चार सय करोड लगानीमा सबैभन्दा ठूलो टाईल्स उत्पादन कम्पनी स्थापना गर्ने, रमेश कर्प र कजारिया सेरामिक्सबीच भयो सम्झौता

चार सय करोड लगानीमा सबैभन्दा ठूलो टाईल्स उत्पादन कम्पनी स्थापना गर्ने, रमेश कर्प र कजारिया सेरामिक्सबीच भयो सम्झौता

वि.सं.२०७९ कात्तिक २० आइतवार १८:५९

काठमाडौं । भारतको नम्बर १. र विश्वको सातौँ ठूलो टाईल्स...

गुणस्तर परिषदले दियो ह्वासिन सिमेन्टलाई ओपीसी ४३ ग्रेडको मान्यता

गुणस्तर परिषदले दियो ह्वासिन सिमेन्टलाई ओपीसी ४३ ग्रेडको मान्यता

वि.सं.२०७९ कात्तिक ६ आइतवार २०:४१

काठमाडौं । नेपाल गुणस्तर तथा नाप तौल विभागले ह्वासिन सिमेन्टलाई...

उदयपुर सिमेन्ट उद्योग सञ्चालन गर्न माग गर्दै युनियन आन्दोलित

उदयपुर सिमेन्ट उद्योग सञ्चालन गर्न माग गर्दै युनियन आन्दोलित

वि.सं.२०७९ असोज ३१ सोमवार ०८:०७

उदयपुर । उदयपुर सिमेन्ट उद्योग तत्काल सञ्चालन गर्न माग गर्दै...

आज २७ असोज २०७९, विहीबार : थाहा पाउनुहोस आजको राशिफल

आज २७ असोज २०७९, विहीबार : थाहा पाउनुहोस आजको राशिफल

वि.सं.२०७९ असोज २७ बिहीवार ०६:२९

आजको पात्रो :२७ असोज २०७९, विहीबार । तद्नुसार अक्टुबर महिनाको...

आज २६ असोज २०७९, बुधबार : यस्तो छ आजको राशिफल

आज २६ असोज २०७९, बुधबार : यस्तो छ आजको राशिफल

वि.सं.२०७९ असोज २६ बुधवार ०६:३२

आजको पात्रो : २६ असोज २०७९,बुधबार। तद्नुसार अक्टुबर महिनाको १२...