भनिन्छ, सानो कुराबाट नै ठूलो कुराको सुरुवात हुन्छ । अहिले हामीले जनि पति ठूला कम्पनीहरु देखेका छौं, इतिहास भन्छ उनीहरुले सुरुवातका समयमा एउटा सानो आइडिया र कामप्रतिको लगावबाट नै सुरुवात गरेका थिएन । उनीहरुलाई एकैचोटी सफलता मिलेको थिएन, न त उनीहरुले सुरुवातका दिनदेखि नै यति प्रसिद्धि पाएका थिए । आज हामीले संसारभर चिनिएका आठ कम्पनीहरु बारे यहाँहरुलाई जानकारी दिने विचार गरेका छौं, जो हिजो मोटर राख्ने ग्यारेजबाट सुरुवात भएका थिए र अहिले संसारकै विश्वप्रसिद्ध अबौं कमाउने कम्पनीका रुपमा चिनिन पुगेका छन् । अहिले र पहिलेका तस्वीरहरु हेर्नुहोस् र फरक आफै छुट्याउनुहोस् ।
अमेजन
एप्पल
स्टिभ जब्सले आफ्नो पहिलो कम्प्यूटरले हातले बनाएका थिए । जुन उनले आफ्नो ग्यारेजमा निर्माण गरेका थिए । अहिले २०१७ मा आइपुग्दा, एप्पलले आफ्नो नयाँ मुख्य कार्यालयको भवन निर्माण सक्नेछ । चार तले यो बिल्डिङ २.८ करोड स्वायर फुट क्षेत्रफलमा निर्माण हुँदैछ भने यसमा १३ हजार व्यक्तिहरुले सजिलै काम गर्न सक्नेछन् ।
डिज्ने
रोय र वाल्ट डिज्नेले आफ्नो पहिलो एनिमेटेड फिल्म उनीहरुको काकाको एउटा कार राख्न मिल्ने ग्यारेजमा बनाएका थिए । अहिले, वाल्ट डिज्ने कम्पनी चलचित्र निर्माणको क्षेत्रमा सबैभन्दा धेरै कमाउने कम्पनी बन्न पुगेकोछ, जसको आफ्नै थिम पार्क छ भने टिभी च्यानल पनि छ ।
गुगल
विश्वकै सबैभन्दा ठूलो सर्च इञ्जिनका रुपमा परिचित गुगल स्यानफोर्ड विश्वविद्यालयबाट स्नातक सकेका दुई विद्यार्थीको प्राजेक्ट वर्क थियो । अहिले गुगलले स्रंसारकै सबैभन्दा धेरै खोजमूलक सूचनाहरु प्रदान गर्छ । यो पनि पहिले ग्यारेजबाट नै सुरुवात भएको थियो ।
हार्ले डेभिडसन
विलियम हार्ले अनि उनका बाल्यकालका साथी आर्थर डेभिडसनले आफूहरुको साइकललाई खेल्ने क्रममा विभिन्न तरिकाले अनुसन्धान गर्ने गर्थे भने विभिन्न प्रकारका इन्जिनहरु आफ्नो साइकलमा जोड्ने गर्थे । यसरी उनीहरु आफ्नो पहिलो मोटरसाइकलको उत्पादन गर्न सफल भए । आफ्नो ग्यारेजमा उनीहरुले पहिलो पसल खोलेका थिए । अहिले हार्ले–डेभिडसन मोटरसाइकलको दुनियाँमा एक आइकनिक मोटरसाइकल बन्न पुगेकोछ ।
माइक्रोसफ्ट
कुनै समय थियो जब माइक्रोसट्मा बील गेट्स सहित जम्मा ३ जनाले काम गर्थे । ग्यारेजमा खोलिएको यो कम्पनी अहिले विश्वकै प्रसिद्ध कम्पनी बन्न पुगेकोछ । यसमा करिब १ लाख २० हजार मानिसले काम गर्ने गर्छन् । यसका संस्थापक बील गेट्स संसारकै धनी अर्बपतिहरुको सूचिमा फोब्र्स म्यागजिनले राख्न थालेको पनि वर्षौ भइसकेकाछ ।
लोटस कार
लेटर कारका निर्माताले सुरुमा आफ्नो पिताको ग्यारेजमा यसको कम्पनी खोले । उनले त्यही बसेर आफ्नो पहिलो रेसिङ कारको निर्माण गरे । पछि त्यहाँ ठाउँ पर्याप्त नभएपछि उनी पिताले घोडा बाँध्ने गरेको तबेलामा सरे र त्यहाँ लोटस कार बनाउन थाले । अहिले स्पोट्र्सका पारखीहरुलाई भनिरनु पर्दैन कि लोटस कारले धेरै पटक फर्मुला वान वल्र्ड च्याम्पियनसिप जितिसकेकोछ ।
नाइकी
एक खेलप्रेमी र उनका प्रशिक्षकले ग्यारेजमा बसेर ब्ल्यू रिबन स्पोटर्स भन्ने कम्पनी खोले । एउटा सानो कम्पनी जसले सुरुमा जापानी स्पोट्र्स जुत्ताहरु बिक्री वितरण गर्ने काम गथ्र्यो । पछि त्यही ग्यारेजमा बसेर ती दुई व्यक्तिले स्पोट्र्सका विभिन्न लुगा, जुत्ता, व्याण्ड आदि बनाउन थाले र सन् १९७१ मा आधिकारिक रुपमा नै नाम राखे नाइकी ।
एजेन्सीको सहयोगमा, १२ साउन २०७३, ५.००
वि.सं.२०७३ साउन १२ बुधवार १६:४३ मा प्रकाशित
