काठमाडौ । नेशनल माइक्रोफाइनान्सले जारी गरेको शेयरमा हिजो पहिलो दिन मात्रै १४ हजार आवेदनबाट ९६ करोड जम्मा भएको छ । मागभन्दा यो ३५ गुणा बढि आवेदन परेको हो । माइक्रोफाइनान्सले साउन १६ गतेबाट सर्वसाधारणको लागी ३ लाख कित्ता शेयर जारी गरेको थियो । आज पनि लगानीकर्ताको चाँप उस्तै रहेको एनआईविएल क्यापिटलले जनाएको छ ।
कम्पनीको शेयरमा छिटोमा साउन १९ र ढिलोमा साउन ३० गते बन्द हुने यस कम्पनीको न्युनत्तम ५० कित्ता र अधिकत्तम १० हजार कित्ता शेयरको लागि आवेदन दिन सक्ने छन् । कम्पनीले जारी गर्नेमध्ये २७ हजार कित्ता शेयर कर्मचारी र सामूहिक लगानी कोषको लागि छुट्याएको छ ।
धादिङमा मुख्य कार्यालय रहेको राष्ट्रियस्तरको नेशनल माईक्रोफाईनान्सले आफ्नो १० करोड चुक्ता पूँजी मध्ये ३० प्रतिशत अर्थात तीन लाख कित्ता सर्बसाधारणमा जारी गर्न लागेको हो ।
प्रकाशितः २०७३ साउन १७
वि.सं.२०७३ साउन १७ सोमवार १२:४९ मा प्रकाशित
