काठमाडौं । सूर्योदय लघुवित्त वित्तीय संस्था लिमिटेडले १०० रुपैयाँ अंकित दरका १ लाख २० हजार कित्ता सेयर सर्वसाधारणका लागि निष्काशन गर्न लागेको छ । कम्पनीले आगामी भदौ १२ गतेबाट सर्वसाधारणका लागि सेयर निश्कासन गर्ने भएको हो ।
कम्पनीले यसमध्येबाट ४ हजार ८ सय हजार कित्ता कर्मचारीका लागि सुरक्षित गरेको साथै ६ हजार कित्ता सेयर सामूहिक लगानी कोषका लागि बाँडफाँट गरिसकेको छ । बाँकी रहेको सेयरमा मात्र सर्वसाधारण लगानीकर्ताहरुले आवेदन दिन पाउने छन् ।
कम्पनीको सेयरमा न्युनतम ५० कित्ताका लागि आवेदन दिन सकिन्छ । बढिमा १ हजार कित्तासम्मका लागि आवेदन दिन सकिने कम्पनीले जनाएको छ । यस कम्पनीको हालको चुक्ता पूँजी २ करोड ८० लाख रहेको छ । आईपिओ निष्कासन पछि कम्पनीको चुक्ता पूँजी ४ करोड रुपैयाँ पुग्ने छ । सेयर आवेदन भदौ १२ गतेबाट छिटोमा भदौ १५ र ढिलोमा २६ गतेसम्म दिन सकिने कम्पनीले जनाएको छ । विक्री प्रवन्धकको रुपमा ग्लोबल आइएमई क्यापीटल लिमिटेड रहेको छ ।
प्रकाशितः २०७३ साउन ३१
वि.सं.२०७३ साउन ३१ सोमवार १०:२८ मा प्रकाशित
