काठमाडौं । सरकारले भूकम्पपीडितलाई खुलाएको १५ सय ट्याक्सीका लागि सय गुणा आवेदन परेको छ । अति प्रभावित १४ जिल्लाका भूकम्पपीडितका लागि खुलाइएको अन्तिम दिन आइतबारसम्म १ लाख ५१ हजार ५ सय आवेदन परेको छ ।
भदौं २ गते आवेदनको अन्तिम दिन भए पनि त्यसदिन सार्वजनिक बिदा परेकाले आइतबारसम्मका लागि आवेदन दिन पाउने म्याद थपिएको थियो । ट्याक्सी संख्या १५ सय मात्रै हो, यातायात व्यवस्था कार्यालय सानाठूला सवारी बागमतीका प्रशासन प्रमुख हरि लामिछानेले भने ट्याक्सी लिन इच्छुक १ लाख ५१ हजार ५ सय जना भूकम्पपीडितले फारम भरेका छन् ।
लामिछानेका अनुसार प्रभावित जिल्लाभन्दा बाहिरका, भूकम्पपीडित परिचयपत्रविना र कसैले दोब्बर पनि फारम भरेको पाइएको छ । आजको नागरिक दैनिकबाट ।
प्रकाशितः २०७३ भदौ ६
वि.सं.२०७३ भदौ ६ सोमवार ०९:५९ मा प्रकाशित
