काठमाडौ । उप–प्रधानमन्त्री तथा अर्थमन्त्री कृष्णबहादुर महरा सार्कको आठौं अर्थमन्त्री स्तरीय बैठकमा सहभागी हुन मंगलवार राति पाकिस्तान प्रस्थान गर्र्दैछन् । उप–प्रधानमन्त्री महरा राती साँढे नौ बजे कतार एयरवेजबाट पाकिस्थान प्रस्थान गर्ने कार्यक्रम रहेको छ । नेपालका तर्फबाट उपप्रधानमन्त्री महराले अध्यक्ष राष्ट्रको हैसियतले बैठकको अध्यक्षता गर्नेछन्।
बैठकमा मुख्यतयाः सार्क क्षेत्रको आर्थिक बिकासका लागि गर्न सकिने साझेदारीका बारेमा छलफल हुनेछ। मन्त्री स्तरीय बैठक अघि भदौ ९ गते सार्कका अर्थ सचिबहरुको बैठक हुने कार्यक्रम रहेको छ ।
सचिब स्तरीय बैठकको भोलिपल्ट अर्थमन्त्रीहरुको बैठक हुने कार्यक्रम रहेको छ । उपप्रधानमन्त्री महरा भदौ ११ गते स्वदेश फर्कने कार्यक्रम रहेको छ ।
महराका साथ मन्त्रालयका सह सचिब बैकुण्ठ अर्याल पनि रहनेछन् । सार्कको सातौ अर्थमन्त्री स्तरीय बैठक नेपालमा भएको थियो ।
यसैबिच, उपप्रधानमन्त्री महरासँग मंगलवार नेपालका लागि अमेरीकी अलेना बी टेप्लिट्स राजदुत र सोमबार नेपालका लागि भारतिय राजदुत रञ्जित रेले सोमबार मन्त्रालयमा भेट गरी नेपाल सरकारको उपप्रधान तथा अर्थमन्त्रीलाई बधाई ज्ञापन गरेका थिए । भेटमा दुबै देशका राजदुतहरुले विगतमा भइरहेका सहयोगलाइ निरन्तरता दिने र थप सहयोगका लागि तयार रहेको बताएका थिए ।
प्रकाशित मिति: २०७३ भदौ ७
वि.सं.२०७३ भदौ ७ मंगलवार १४:१४ मा प्रकाशित
