काठमाण्डौं । काठमाडौंको चन्द्रागिरी लुटेरा समूह र प्रहरीबीच गोली हानाहान भएको छ।
चन्द्रागिरी नगरपालिका १ चिहानडाँडामा सुमोमा रहेका लुटेरा समूह र प्रहरीबीच आज बिहान ५ बजेर २२ मिनेटतिर गोली हानाहान भएको हो । प्रहरीलाई लक्षित गर्दै चार जनाको एक समुहले दुई राउण्ड गोली चलाएपछि प्रहरीले जवाफी कारबाही गरेको थियो ।
आक्रमणकारी चार जना रहेको र उनीहरु भागेको थानकोट बृत्तका डीएसपी कृष्ण पंगेनीले जानकारी दिए ।चिहानडाँडामा बा १ ज ३९४८ नम्बरको सुमो छाडेर लुटेरासमूह भागेका हुन् । उनीहरु जंगलतिर पसेका छन्।सुमोमा बन्द अवस्थामा रहेको सेफ फेला परेको छ ।
बिहानै काठमाडौंबाट सुमो मातातीर्थतर्फ लागेपछि स्थानीय प्रहरी चनाखो हुँदै त्यसको पिछा गरेको थियो।
प्रकाशितः २०७३ भदौ २३
वि.सं.२०७३ भदौ २३ बिहीवार १०:१४ मा प्रकाशित
