काठमाडौं । भारतमा नेपाली वाइवाई चाउचाउको लोकप्रियता यति बढेको छ की महिनाको अवधिमा नै यो चाउचाउको बजार हिस्सा ७ प्रतिशतसम्म बढेको तथ्यांकहरु आइरहेका छन् ।
गत जनवरीमा भारतीय चाउचाउकोे बजारको २० प्रतिशत हिस्सा ओगटेको भारतीय सञ्चार माध्यम बिजनेश लाइनमा आएको समाचार उल्लेख थियो ।तर, गत अगष्टमा अर्को भारतीय सञ्चार माध्यममा दि हिन्दुमा आएको समाचारमा वाइवाईको बजार हिस्सा २७ प्रतिशत पुगेको उल्लेख छ ।
भारतीय टेलिभिजन सिएनबीसीका अनुसार भारतमा सबै किसिमका चाउचाउको व्यापार बार्षिक भारु १२ सय करोड रुपैयाँको रहेको छ । भारतमा सबैभन्दा बलियो पकड रहेको नेस्लेको म्यागिलाई पछ्याउँदै गरेको वाइवाईको यसआधारमा भारतमा मात्रै (३ अर्ब २४ करोड भारु ९५ अर्ब १८ करोड नेरु) को कारोबार हुने गरेको छ । सिजि फुड भारतले सबै किसिमको उत्पादन गरेर बार्षिक ५ अर्ब भारुको कारोबार गर्दै आएको छ ।
नेपालबाटै ४० भन्दा बढि देशमा निर्यात हुँने दाबी गरिएको वाइवाइको भारतमा नै प्लान्ट स्थापना समेत भएको छ ।
प्रकाशितः २०७३ असोज १७
वि.सं.२०७३ असोज १७ सोमवार १२:२१ मा प्रकाशित
