काठमाण्डौं । प्रभु इन्स्योरेन्सले लगानीकर्तालाई १७ प्रतिशत बोनस बितरण पश्चात कायम हुने चुक्ता पूँजीको ५० प्रतिशत हकप्रद निष्काशनको प्रस्ताव सहित साधारण सभा बोलाएको छ । इन्स्योरेन्स सञ्चालक समितिको बैंठकले हाल कायम चुक्ता पूँजीको १७ प्रतिशत बोनस तथा सोको कर प्रयोजनका लागि शुन्य दशमलव ७३४ प्रतिशत नगद लाभांसको प्रस्ताव सहित साधारण सभा बोलाएको हो ।
कम्पनीले आगामी कात्तिक १२ गतेका लागि साधारण सभा बोलाएको छ । साधारण सभा तथा बोनस प्रयोजनका लागि कात्तिक २ गते मंगलबारदेखि १२ गतेसम्म सेयरधनी पुस्तिका बन्द हुने कम्पनीले जनाएको छ । कम्पनीले प्रस्ताव गरेको बोनस सुरक्षित गर्नका लागि लगानीकर्ताले कात्तिक १ गते सोमबारसम्ममा कम्पनीको सेयर खरिद गरिसक्नु पर्नेछ ।
अहिले ३२ करोड ९० लाख ७३ हजार रुपैंया चुक्ता पूँजी रहेको कम्पनीको १७ प्रतिशत बोनस बितरण पश्चात चुक्ता पूँजी ३८ करोड ५० लाख १५ हजार रुपैंया पुग्नेछ ।
२१ असोज २०७३, १।००
वि.सं.२०७३ असोज २१ शुक्रवार १६:०२ मा प्रकाशित
