काठमाडौ। अस्ट्रियामा मुख्य कार्यालय रहेको आन्द्रिज हाइड्रोले दुई/तीन महिनाभित्र नेपालमै यसको कार्यालय खोल्ने भएको छ ।
विश्वका करिब ६० देशमा आफ्नो कार्यालय विस्तार गरिसकेको कम्पनीले नेपालमा पनि कार्यालय खोल्ने जानकारी दिएको हो । विश्वभरमा जलविद्युत् निर्माणका लागि आवश्यक विद्युतीय सामग्री उपलब्ध गराउँदै आएको उक्त कम्पनीले नेपालको कुलेखानी जलविद्युत् परियोजनाका लागि काम गरिसकेको छ ।
यसबाहेक माथिल्लो तामाकोसी, मध्य मस्र्याङ्दीलगायत राष्ट्रिय गौरवका मुख्य आयोजनासहित करिब १००० मेघावाटका लागि आन्द्रिजको सहकार्य छ । जसमध्ये १२० मेघावाटको काम भइसकेको छ ।
जलविद्युत् गृह निर्माणका लागि उपकरण आपूर्ति गर्ने अन्तर्राष्ट्रिय साझेदार कम्पनी आन्द्रिज हाइड्रोले नेपालमा कार्यालय विस्तार गर्ने उद्देश्यले पहिलो पटक ग्राहक दिवस‘ कस्टमर डे’ मनाएको छ ।
‘हाइड्रोपावर सोलुसन फर नेपाल’ नाम दिइएकोे उक्त कार्यक्रमको एक कार्यक्रमका बीच उपप्रधान तथा अर्थमन्त्री कृष्णबहादुर महराले शुभारम्भ गरे ।
कार्यक्रम सुभारम्भ गर्दै उपप्रधान तथा अर्थमन्त्री महराले आन्द्रिजको कार्यालय विस्तारले नेपालमा जलविद्युत् लगानीको सम्भावनामा वृद्धि हुने बताउँदै यसका लागि निजी क्षेत्रलाई प्रोत्साहन गरिने बताए ।
प्रकाशित मितिः २०७३ कार्तिक १८
वि.सं.२०७३ कात्तिक १८ बिहीवार १५:४५ मा प्रकाशित
