काठमाण्डौं । नबिल बैंकको सहायक कम्पनी नबिल ईन्भेष्टमेन्ट बैंकिङ्ग लिमिटेडको दोस्रो योजना नबिल इक्विटी फन्डको ईकाई आज ३ बजे बाडँफाड हुने भएको छ । कम्पनीले एक अर्ब रुपैयाँ बराबरको १० करोड कित्ता ईकाई निष्काशन गरेको थियो ।
कम्पनीले गत असोज २ देखि ६ गतेसम्मका लागि ईकाई आवेदन खुला गरेको थियो । एक अर्ब रुपैयाँको नबिल इक्विटी फन्डमा करिब ७ अर्ब रुपैयाँ बराबरको आवेदन परेपछि फण्डको आकार समेत २५ प्रतिशतले बढेर एक अर्ब २५ करोड रुपैयाँ पुर्याइएको छ । धितोपत्र बोर्डको व्यवस्था अनुसार माग गरिएको भन्दा धेरै आवेदन पर्दा २५ प्रतिशतसम्म आकार बढाउन सक्ने प्रावधान रहेको छ ।
कम्पनीले प्रति ईकाई १० रुपैयाँ दरका ८ करोड ५० लाख वटा ईकाई सर्वसाधारणका लागि बिक्री खुला गरेको थियो। कम्पनीले १० करोड ईकाइमध्ये १५ प्रतिशत कोष प्रबद्र्धकलाई छुट्याई बाँकी ८ करोड ५० लाख ईकाई सर्वसाधारणलाई बिक्री गरेको हो ।
१९ कार्तिक २०७३, १२.००
वि.सं.२०७३ कात्तिक १९ शुक्रवार १३:५४ मा प्रकाशित
