काठमाण्डौं। नेपाल उद्योग परिसंघले नेपालीसँग रहेको पाँच सय र हजारका भारतीय नोट सटहीको लागि कुटनीतिक पहल गर्न सरकारसँग माग गरेको छ ।
परिसंघले नेपालको बैकिङ प्रणाली,व्यापारिक समुदाय, उद्योगी र सर्वसाधरणसँग रहेको भारु साट्न भारत सरकारसँग समन्वय गर्न आग्रह गरेको हो । परिसंघले भारतीय नोट प्रतिवन्धपछि अन्यौंल सिर्जना भएको बताउँदै जनतालार्इ समयमै सूसुचित गर्न सरकारलार्इ आग्रह गरेको छ।
परिसंघले कुल वैदेशिक व्यापारको करिब ६७ प्रतिशत भारतमा केन्द्रित रहेको जनाउँदै भारतीय रुपैयाँ धेरै हुनसक्ने जनाएको छ । मध्य पश्चिमाञ्चल र सुदुरपश्चिमाञ्चलका ७० प्रतिशत जनता भारतमा रोजगारीमा गएको जनाउँदै परिसंघले ती क्षेत्रका जनतासँग भारतीय रुपैयाँ धेरै रहेको जनाएको छ।
३० कार्तिक २०७३, ४।००
वि.सं.२०७३ कात्तिक ३० मंगलवार १६:४९ मा प्रकाशित
