काठमाण्डौं । नेपाल धितोपत्र बोर्डले हकप्रद , बोनस र ‘अक्सन’ निस्कासनलाई व्यवस्थित गर्न छिट्टै निर्देशन जारी गर्ने भएको छ । यसका लागि आन्तरिक गृहकार्य भैरहेको बोर्ड प्रवक्ता निरज गिरीले जानकारी दिए।
‘केही कम्पनीले स्पष्ट जानकारी बिनै हकप्रद, बोनस र अक्सनको सूचना जारी गरे’, उनले भने ‘जसले समस्या खडा गर्र्यो त्यसैले आगामी दिनमा व्यवस्थित गर्न निर्देशन जारी गर्न लागेको हो।’ हकप्रद, बोनस र अक्सनको को सूचना स्पष्ट नभएको बारे लगानीकर्ताको गुनासो आएको उनले जानकारी दिए । बोर्ड अध्यक्ष डा रेवत कार्की मुलुक बाहिर रहेको हुँदा उनी फर्के लगत्तै निर्देशन जारी गर्ने उनले बताए । उनी सोमबार फर्किनेछन् ।
कतिपय कम्पनीले पहिले हकप्रद सेयर निस्कासन गरि तत्कालै बोनस घोषणा गरेका थिए। यसो गर्ला लगानीकर्तामा बोनस पाउनेरनपाउने द्विबिधा परेको र कम्पनीले पनि स्पष्ट सुचना नदिएको उनले बताए। ‘यस्तो कदमबाट लगानीकर्ता र बजारलाई असर परेको हुँदा स्पष्ट पार्ने गरी सुचना दिन बोर्डले निर्देशन जारी गर्न लागेको हो’ उनले भने।
२ मंसिर २०७३, ११।००
वि.सं.२०७३ मंसिर २ बिहीवार १२:०७ मा प्रकाशित
