काठमाण्डौं । साधारण सेयरमा आबेदन गर्दा सेयर नपरी बाँकी रहेको पैसा लिन ढिलाई गर्नुभयो ? यदि तपाइँले पनि पाँच बर्षदेखि पैसा फिर्ता लिनुभएको छैन भने अब त्यो पैसा सदाका लागि फ्रिज हुँदैछ ।
कम्पनी रजिष्ट्रारको कार्यालयले सबै सुचिकृत कम्पनीहरुलाई परिपत्र गरी लगानीकर्ताले फिर्ता नलिएको पाँच बर्ष पुरानो रकमका बारेमा जानकारी दिन एक महिनाको अबधि तोकेको छ ।
सुचिकृत कम्पनीहरुले पाँच बर्ष अघि बितरण गरेको नगद लाभांश तथा सेयर आबेदन गर्दा बाँकी रहेको पैसा फिर्ता नलिएको भए लगानीकर्ता संरक्षण कोषमा जाने ब्यवस्था गरिएको छ । तत्काल त्यस्तो रकम फिर्ता नलिने लगानीकर्ताले सदाका लागि रकम गुमाउनु पर्ने भएको छ ।
५ वर्ष भन्दा लामो समयसम्म नगद लाभांश तथा सेयर नपरेको पैसा संकलन नभए पछि त्यसलाई पूँजी बजार सुधारको काममा प्रयोग गर्न लागिएको हो । कम्पनी ऐन २०६३ अनुसार भएको व्यवस्थाले लगानीकर्ता संरक्षण कोषको स्थापना, व्यवस्थापन तथा सञ्चालनको लागि कार्यविधि स्वीकृत भए पछि स्थापना गरिएको कोषमा त्यस्तो रकम जम्मा गर्न लागिएको हो ।
२ मंसिर २०७३, १२।००
वि.सं.२०७३ मंसिर २ बिहीवार १३:४८ मा प्रकाशित
