काठमाण्डौं । पतञ्जली आयुर्वेद लिमिटेडले आगामी १० वर्षभित्र नेपालमा एक खर्ब रुपैयाँ लगानी गर्ने भएको छ । कम्पनीले विभिन्न किसिमका आयुर्वेदिक औषधि, दैनिक उपभोग्य तथा सौन्दर्यबद्र्धक वस्तुको उत्पादनमा उक्त लगानी गर्ने भएको हो ।
नेपालमा १० अर्ब रुपैयाँ लगानी गरी उद्योग स्थापना सुरु गरेको पतञ्जली आयुर्वेद लिमिटेडका संस्थापक योगगुरु रामदेवले काठमाडौंमा आयोजित एक कार्यक्रममा बताए । उनले पतञ्जलीले २० वर्ष लगाएर आफ्नो ब्रान्ड स्थापित गरेको र यसको वार्षिक कारोबार अहिले १० हजार करोड भारु नाघेको उनले बताए ।
यसका साथै उनले नेपाली व्यवसायीलाई केही टिप्स दिएका छन् । जुन निम्न छ :
– तपाईंहरू ट्रेडिङ (व्यापार)मा व्यस्त हुनुहुन्छ, अब उत्पादनमा लाग्नुस्
– अर्काको ब्रान्ड बेचेर उसैलाई फाइदा हुन्छ, आफ्नो ब्रान्ड बनाउनुस्
– एउटै ब्रान्डबाट विभिन्न उत्पादन निकाल्न ‘अम्ब्रेला ब्रान्ड’ खडा गर्नुस्
– परम्परागत शैलीले होइन, नयाँ सोच, सिर्जनशील र फरक शैलीले उद्यममा लगानी गर्नुस्
– विज्ञापनमा दाबी गरेजस्तै उत्पादनमा पनि गुणस्तर कायम गर्नुस्
– कम मार्जिनमा धेरै बिक्री गर्नुस्
– जुन देशमा कमाउनुहुन्छ त्यो देशको भलाइ हुने काम गर्नुस्
८ मंसिर २०७३, १०।००
वि.सं.२०७३ मंसिर ८ बुधवार १०:५९ मा प्रकाशित
