काठमाडौ । कन्ट्री डेभलपमेन्ट बैंकले बोनस जारी गर्न नियामक नेपाल राष्ट्र बैंकबाट अनुमति पाएको छ । बैंकले आफ्ना सेयरधनीका लागि ८.४५ प्रतिशत बोनस सेयर दिन लागेको हो । कर प्रयोजनका लागि बैंकले ०.४४५ प्रतिशत नगद लाभांश पनि वितरण गर्नेछ ।
यस्तै अल्पाइन डेभलपमेन्ट बैंकका सेयरधनीले १४.५ प्रतिशत बोनस सेयर पाउने भएका छन् । बैंकको गत विहीबार बसेको सञ्चालक समितिको बैठकले उक्त प्रस्ताव अघि सारेको हो । कर प्रयोजनका लागि बैंकले १७ लाख ३३ हजार चार सय ३७ रुपैयाँ नगद लाभांश समेत दिनेछ । प्रस्तावित बोनस नेपाल राष्ट्र बैंकबाट स्विकृत भई बैंकको आगामी साधारणसभाले पारित गरेपछि मात्रै सेयरधनीले पाउनेछन् ।
त्यसैगरी गुहेश्वरी मर्चेन्ट बैंकिङ एण्ड फाइनान्स लिमिटेडले बोनस सेयर जारी गर्न नेपाल राष्ट्र बैंकबाट स्विकृती प्राप्त गरेको छ । कम्पनीले आफ्ना सेयरधनीका लागि १२ प्रतिशत बोनस सेयर र कर प्रयोजनका लागि ०.७४ प्रतिशत नगद लाभांश दिन लागेको हो । गत असोज २१ गतेदेखि कात्तिक २५ गतेसम्म ५० प्रतिशत हकप्रद निष्काशन गरेको बैंकले हकप्रद वितरणपछि कायम हुने चुक्तापुँजीबाट बोनस दिन लागेको हो ।
यस्तै मञ्जुश्री फाइनान्सले पनि बोनस सेयर जारी गर्न राष्ट्र बैंकको स्विकृती पाएको छ । कम्पनीले आफ्ना सेयरधनीका लागि १४ प्रतिशत बोनस सेयर दिन लागेको हो । कर प्रयोजनका लागि कम्पनीले ०.७४ प्रतिशत नगद लाभांश पनि दिने छ ।
प्रकाशित मितिः २०७३ मंसिर १२
वि.सं.२०७३ मंसिर १२ आइतवार १३:३१ मा प्रकाशित
