काठमाडौ। तपाईले बिर्सनु त भएन नि ! स्ट्यान्डर्ड चार्टर्ड बैंकको बोनस शेयर सुरक्षित गर्ने लगानीकर्ताले आज अर्थात् मंसिर २१ गतेसम्म शेयर किनिसक्नु पर्नेछ । बैंकले गत वर्षको नाफाबाट शेयरधनीलाई ३३.३३ प्रतिशत बोनस शेयर र कर प्रयोजनको लागि १.७५ प्रतिशत नगद लाभांश वितरण गर्न लागेको हो । स्ट्यान्डर्ड चार्टर्ड बैंकको ३३.३३ प्रतिशत बोनस शेयरको लागि मंसिर २२ देखि ३० गतेसम्म शेयरधनी पुस्तिका बन्द हुने छ ।
बैंकले प्रिमियममा ३ अर्ब ३० करोड रुपियाँ बराबरको नयाँ शेयर निष्काशन गर्ने जनाएपनि कति कित्ता कति प्रिमियमा निष्काशन गर्ने केही खुलाएको छैन । राष्ट्र बैंकले हरेक वाणिज्य बैंकको चुक्ता पुँजी ८ अर्ब पु¥याउन निर्देशन जारी गरेपछि बोनस शेयर, हकप्रद शेयर, एफपीओको माध्यमबाट चुक्ता पुँजी बढाउँदै आएका छन् ।
प्रकाशित मितिः २०७३ मंसिर २१
वि.सं.२०७३ मंसिर २१ मंगलवार १९:०५ मा प्रकाशित
