काठमाण्डौं । रिलायवल डेभलपमेण्ट बैंकले आफ्ना सेयरधनीहरुका लाग २९ प्रतिशत बोनस सेयर दिने भएकोछ । बैंकको आजै बसेको संचालक समितिले यस्तो निर्णय गरेकोछ ।
यो निर्णय राष्ट्र बैंकबाट स्वीकृत भएपछि र बैंकको आगामी साधारण सभाले पारित गरेपछि सर्वसाधाणलाई वितरण गरिनेछ ।
चौथो त्रैमासको वित्तीय प्रतिवेदनअनुसार रिलायवल डेभलपमेन्ट बैंकसँग ७८ करोड ८० लाख रुपैयाँको चुक्ता पुँजी छ भने रिजर्भमा ३७ करोड रुपैयाँ छ। रिलायवलसँग आठ अर्व २१ करोड रुपैयाँको निक्षेप र छ अर्व ९४ करोड रुपैयाँको कर्जा लगानी छ।
गत आर्थिक वर्षमा रिलायवलले २६ करोड ९० लाख रुपैयाँ खुद मुनाफा गरेको थियो। पश्चिम नेपालमा बढी शाखा सञ्जाल भएको रिलायवलसँग १७ वटा शाखा छन्।
२२ मंसिर २०७३, १०.००
वि.सं.२०७३ मंसिर २२ बुधवार १६:४३ मा प्रकाशित
