काठमाण्डौं । के तपाईले विभिन्न कम्पनीको सेयर किन्नुभएकोछ ? यदि छ भने ती कम्पनीहरुले अहिले हकप्रद सेयर जारी गरेको हुन सक्छन् । यस्तो अवस्थामा तपाईले सूचना नपाउँदा तपाई यो अवसरबाट वञ्चित हुनुपर्ने हुन सक्छ । त्यसैले आफुसँग भएको सेयर र भर्नुपर्ने हकप्रदको अनुपात थाहा पाउनुहोस् ।
अहिले अधिकांस बैंक तथा वित्तीय संस्थाले हकप्रदको आवेदन फारम पनि इन्टरनेटबाट उपलब्ध गराएका छन् । तपाईले उक्त फारम डाउनलोड गरेर प्रिन्ट गरी हकप्रदको विबरण भरेर पनि बुझाउन सक्नु हुनेछ । तर यो पनि बुझ्नुपर्छ कि कम्पनीहरुले डाउनलोड गरेको भन्दा सिरियल नम्बर सहित संकलन केन्द्रबाट उपलब्ध गराइएको आवेदन फारमलाई प्राथमिकतामा राखेका छन् ।
त्रिवेणी विकास बैंकको हकप्रद भर्ने अन्तिम मिती यही मंसिर २७ गते रहेकोछ । यस कम्पनीको बिक्री प्रबन्धक एस क्यापिटल रहेकोछ । त्यस्तै, काष्ठमण्डप डेभलपमेण्ट बैंक र हिमालयन बैंकको हकप्रद भर्ने म्याद यही मंसिर ३० गते अन्तिम रहेकोछ ।
त्यसै गरी, जनता बैंक र सेती फाइनान्सको हकप्रद भर्ने अन्तिम मिती पुस ५ गते रहेकोछ । एनएमबी माइक्रोफाइनान्सको भने पुस १० गते अन्तिम म्याद रहेकोछ ।
यस्तै, नागबेली लघुवित्त र माछापुछ्रे बैंकको हकप्रद सेयर भर्ने अन्तिम मिती पुस २४ गते रहेकोछ । त्यस्तै, वेष्टर्न डेभलपमेण्ट बैंकको पुस २६ र सेवा विकास बैंकको हकप्रद भर्ने अन्तिम दिन पुस २७ गते रहेकोछ ।
यसैगरी, नमस्ते वित्तीय संस्थाको पुस ८ गते हकप्रद निस्कासन हुँदैछ भने भर्ने अन्तिम म्याद माघ १३ गतेसम्म रहेकोछ । त्यस्तै, सगरमाथा फाइनान्सको पनि हकप्रद सेयर पुस ११ गते निष्काशन हुँदैछ भने अन्तिम तिमी माघ १७ सम्म रहेकोछ ।
२४ मंसिर २०७३, १।००
वि.सं.२०७३ मंसिर २४ शुक्रवार १९:३१ मा प्रकाशित