काठमाण्डौं । शिखर ईन्स्योरेन्स, छिमेक लघुवित्त बिकास बैंक, नमस्ते बित्तीय संस्था र सगरमाथा फाईनान्सको सेयर मूल्य समायोजन भएको छ ।
शिखर ईन्स्योरेन्सले प्रस्ताव गरेका ६० प्रतिशत बोनस वापतको मूल्य समायोजन भएर प्रति कित्ता कारोबार मुल्य रु २२ सय ५० तोकिएको छ । मुल्य समायोजन हुनु अघि शिखरको गत बिहीबार प्रतिकित्ता रु ३६ सय मा अन्तिम कारोबार भएको थियो ।
त्यसैगरी छिमेक लघुवित्तले घोषणा गरेको ४० प्रतिशत समायोजन भई प्रति कित्तामूल्य रु १२ सय ५४ रुपैयाँ तोकिएको छ । गत बिहीबार सो कम्पनीको प्रति कित्ता रु १७ सय ५५ मा अन्तिम कारोबार भएको थियो ।
त्यसैगरी सगरमाथा फाईनान्सको ८० प्रतिशत हकप्रद समायोजन भई प्रतिकित्ता मूल्य रु २ सय ७६ तोकिएको छ । गत बिहीबार सो कम्पनीको प्रति कित्ता रु ४ सय १७ मा अन्तिम कारोबार भएको थियो ।
त्यसैगरी नमस्ते बित्तीय संस्थाको २४ प्रतिशत बोनस र शत प्रतिशत हकप्रद पछि सेयर मूल्य प्रति कित्ता रु ३ सय ९३ तोकिएको छ । गत बिहीबार उसको मूल्य प्रति कित्ता रु ७ सय ८० मा अन्तिम कारोबार भएको थियो ।
२६ मंसिर २०७३, ११।००
वि.सं.२०७३ मंसिर २६ आइतवार १७:२४ मा प्रकाशित
