काठमाण्डौं । नेपाल हाइड्रो डेभलपर लिमिटेडले दोलखाका आयोजना प्रभावितका लागि दुई लाख ६० हजार कित्ता प्राथमिक सेयर निष्काशन गरेको छ । प्रतिकित्ता एक सय रुपैंया अंकित मूल्यमा कम्पनीले दोलखाको भिमेश्वर ८,९ र ११, मागपौवा ५ र काटाकुटी ६ का बासिन्दाका लागि उक्त सेयर निष्काशन गरेको हो ।
कम्पनीले २ करोड ६० लाख रुपैंयाको सेयर आयोजना प्रभावितका लागि निष्काशन गरेको हो । आज मंसिर २६ गतेबाट निष्काशन भएको सेयरका लागि छिटोमा पुस १० तथा ढिलोमा माघ दुई गतेसम्ममा आवेदन दिन सक्नेछन् । आयोजना प्रभावितका लागि सेयर निष्काशन गरे पश्चात कम्पनीले ३ लाख ९० हजार कित्ता सेयर सर्वसाधारणका लागि निष्काशन गर्दैछ ।
आयोजना प्रभावितहरुले हाइड्रोको प्राथमिक सेयरका लागि अरनिको डेभलपमेण्ट बैंक दोलखा, तथा चरिकोट शाखा, कालिञ्चोक डेभलपमेण्ट बैंकको चरिकोट तथा बाघखोर शाखामा सम्पर्क गर्नु पर्ने हुन्छ । कम्पनीको सेयर निष्काशन तथा बिक्री प्रबन्धक एनएमबी क्यापिटल रहेको छ ।
२६ मंसिर २०७३, १२।३०
वि.सं.२०७३ मंसिर २६ आइतवार १८:३५ मा प्रकाशित
