काठमाण्डौ । प्रभु क्यापिटलले सेयरधनीलाई चुक्तापुँजीको २० प्रतिशत नगद लाभांश दिने भएको छ। कम्पनीको सोमबार भएको आठौं वार्षिक साधारणसभाले गत आर्थिक वर्षको मुनाफाबाट नगद लाभांश सम्वन्धी प्रस्ताव पारित गरेको हो।
कम्पनीका अध्यक्ष बिनोद थकालीको अध्यक्षतामा हिजो साधारणसभा सम्पन्न भएको थियो । कार्यक्रममा प्रभु समूहका अध्यक्ष देवीप्रकाश भट्टचनले प्रभु समूहले एक्वायर गरेपछि कम्पनीको वित्तिय अवस्थामा सुधार आएर सेयरधनीलाई लाभांश दिनेसम्मको अवस्थामा आएको बताए । यसका साथै उनले कम्पनीलाई अझै वित्तिय रुपमा मजबुत बनाएर लैजाने प्रतिवद्धता जनाए ।
२८ मंसिर २०७३, १०।००
वि.सं.२०७३ मंसिर २८ मंगलवार १७:०२ मा प्रकाशित
