back
NMB ad

सुन्तला बेचेरै करोडपति बनेका किशान !

Kumari bank ad

म्याग्दी । जिल्लाको बास्कुना गाउँका तिलक गुरुङले एक हप्ताअघि दुई लाख रुपैयाँको सुन्तला पोखरामा बेचे । बास्कुना गाउँभरिमा जति जनाले सुन्तलाखेती गरेका छन्, ती सबैका बोटको फल पोखरा, नारायणगढ र काठमाडौंसम्म पुग्छ । कति किसान त आफ्नै गाडीमा पोखरा लगेर बेच्छन् । तिलक भन्छन्, ‘आफ्नै गाउँमा नबिके पनि बिक्रीको समस्या छैन ।’ बास्कुनाका बासिन्दाले यस वर्षको अहिलेसम्म ३० लाख रुपैयाँभन्दा बढीको सुन्तला बेचे ।

सुन्तलाबाटै स्याङ्जा पुतलीबजारका बोधराज अर्यालको कमाइ ६ लाख भयो । पर्वत बाँसखर्कका किसानका सुन्तलाबोटमा पोहोरभन्दा यसपालि धेरै फल लागेको थियो । बेच्न भने कुनै समस्या भएन, सुन्तला पोखरा, बुटवल र नारायणगढ पुग्यो । बाँसखर्क, सलिजा, देउपुर, तिलहार, कुर्घा, लिमीठाना, पाङराङ, त्रिवेणी, बेहुलीबास, सरौखोला गाविस पर्वतमा सुन्तलाका पकेट क्षेत्र हुन् ।

बितेको वर्ष चार हजार पाँच सय टन सुन्तला फलेको यहाँ यसपालि पाँच हजार पाँच सय टन पुग्ने अनुमान जिल्ला कृषि विकास कार्यालयको छ । स्याङ्जाबाट पोहोर २६ करोड १६ लाख रुपैयाँको सुन्तला बजार गएको थियो । यो कमाइ यसपालि बढेर ३५ करोड ६५ लाख रुपैयाँ पुग्ने अनुमान गरिएको कृषि योजना अधिकृत तिलक जिसीले बताए । ‘यो जिल्लामा यसपालि सुन्तला उत्पादन १३ प्रतिशत वृद्धि भएको अनुमान छ’, उनले भने, ‘११ हजार पाँच सय टन उत्पादन भएको अनुमान गरेका छौं ।’

यस वर्ष सुन्तलालाई मौसमले केही साथ दियो । ‘घाम र पानीको समय मिल्यो, सुन्तला धेरै फल्योु, किसान फणिनारायण अर्यालले भने, ुमेरो मात्रै कमाइ २२ लाख रुपैयाँ हुने अनुमान गरेको छु ।’ वरिष्ठ कृषि विकास अधिकृत तेजप्रसाद दवाडीका अनुसार स्याङ्जाको सुन्तला ५० रुपैयाँ किलोसम्ममा बिक्री हुन्छ । पोखरा, बुटवल, नारायणगढ र काठमाडौं स्याङ्जाली सुन्तलाको बजार हो । पुतलीबजार, वालिङ, भीरकोट, चापाकोट नगरपालिका दहथुम, अर्जुनचौपारी, एलादी, मनकामना, खिलुङ देउराली, ठूलाडिही, फापरथुम, बहाकोट, ओरस्टे, पौवेगौंडेलगायत गाउँ जिल्लामा धेरै सुन्तला फल्नेमध्येमा अघि छन् ।

२८ मंसिर २०७३, अन्नपूर्ण पोष्ट, ११।००

वि.सं.२०७३ मंसिर २८ मंगलवार १८:१० मा प्रकाशित

You can share this post!

वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन   

वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन   

वि.सं.२०८१ वैशाख ८ शनिवार १३:२२

पर्सा, ८ वैशाख : वीरगञ्ज भन्सार कार्यालयले चालु आर्थिक वर्षको...

महालक्ष्मी विकास बैंकद्वारा महिला उद्यमी लक्षित सशक्तीकरण अभियान

महालक्ष्मी विकास बैंकद्वारा महिला उद्यमी लक्षित सशक्तीकरण अभियान

वि.सं.२०८१ वैशाख ८ शनिवार १२:५४

काठमाडौं । महालक्ष्मी विकास बैंकले महिला उद्यमीहरुलाई सार्वजानिक यातायातको क्षेत्रमा...

गरिमा विकास बैंक र टान गण्डकी बीच व्यवसायिक सम्झौता

गरिमा विकास बैंक र टान गण्डकी बीच व्यवसायिक सम्झौता

वि.सं.२०८१ वैशाख ८ शनिवार १२:४८

काठमाडौं । गरिमा विकास बैंक लिमिटेड र ट्रेकिङ एजेन्सी एसोसिएसन...

पर्यटकको रोजाइमा घोडेपानी, एक वर्षमा ३१ हजारले गरे भ्रमण   

पर्यटकको रोजाइमा घोडेपानी, एक वर्षमा ३१ हजारले गरे भ्रमण   

वि.सं.२०८१ वैशाख ८ शनिवार १२:४०

म्याग्दी, ८ वैशाख : विसं २०८० मा ३१ हजारभन्दा बढी...

काठमाडौँमा आज यी स्थानमा विद्युत् सेवा अवरुद्ध   

काठमाडौँमा आज यी स्थानमा विद्युत् सेवा अवरुद्ध   

वि.सं.२०८१ वैशाख ८ शनिवार १२:३३

काठमाडौँ, ८ वैशाख : नेपाल विद्युत् प्राधिकरणका अनुसार आज जोरपाटी...

कुन राशिको कस्तो छ ? हेर्नुहोस् आजको राशिफल

कुन राशिको कस्तो छ ? हेर्नुहोस् आजको राशिफल

वि.सं.२०८१ वैशाख ८ शनिवार ०५:४८

मेष मेष (चु, चे, चो, ला, लि, लु, ले, लो,...