काठमाण्डौं । अखिल नेपाल फुटबल संघ (एन्फा)को हेलचक्र्याइँका कारण एएफसी कप छनौटको दोश्रो चरण खेल्न नपाएको थ्रीस्टार क्लबले ६ करोड रुपैयाँ क्षतिपूर्ति मागेको छ ।
छनोटको पहिलो चरण पार गरेर दोश्रो चरणका लागि छानिएको थ्रीस्टारको नाम अखिल नेपाल फुटबल संघ एन्फाले दर्ता नगरिदिँदा दोश्रो चरण खेल्न नपाउने भएको हो । साथै थ्री स्टारले यो मुद्दाको टुंगो नलागेसम्म फुटबलसम्बन्धी कुनै पनि गतिविधिमा संलग्न नहुने घोषणा गरेको छ । साथै लापरबाही गर्ने कर्मचारीमाथि कारबाही हुनुपर्ने क्लबको माग छ ।
एशियाली फुटबल महासंघ एएफसीले ढिलोमा नोभेम्बर २३ तारिखसम्म दर्ता गरिसक्न आग्रह गरेपनि एन्फाले कुनै प्रतिक्रिया नजनाएपछि दोश्रो चरणमा सहभागि गराउन नसकिने जानकारी सहितको पत्र एन्फालाई पठाएको थियो ।
२८ मंसिर २०७३, ३।००
वि.सं.२०७३ मंसिर २८ मंगलवार २०:५१ मा प्रकाशित
