काठमाडौ । सुनसरीको ईटहरीमा मुख्य कार्यालय रहेको सपोर्ट माईक्रोफाईनान्स वित्तिय संस्थाले आगामी चैत्रभित्रमा नै साधारण सेयर जारी गर्ने भएको छ । फाइनान्सले सय रुपैयां अंकित एक लाख ८० हजार कित्ता साधारण सेयर जारी गर्ने भएको हो ।
बुधबार प्रेस विज्ञप्ती जारी गर्दै कम्पनीले साधारण सेयर निष्कासनको लागि एनएमबि क्यापिटललाई बिक्री प्रवन्धक नियुक्त गरेको जनाएको छ । माईक्रोफाईनान्सका तर्फबाट प्रमुख कार्यकारी अधिकृत चन्द्रलाल ढकाल र एनएमबि क्यापिटलका श्रीजेश घिमिरेले सेयर निष्काशन सम्वन्धि सम्झौंतामा हस्ताक्षर गरे ।
फाईनान्सको ४ करोड ८० लाख चुक्तापुँजी रहेको छ । साधारण सेयर जारी गरेपछि फाइनान्सको चुक्तापुँजी ६ करोड रुपैयाँ पुग्ने छ । फाइनान्सको कार्यक्षेत्र १० जिल्लामा रहेको छ ।
प्रकाशित मितिः २०७३ पुस ६ गते
वि.सं.२०७३ पुस ६ बुधवार १३:१५ मा प्रकाशित
