काठमाण्डौं । राजनीतिक दलको बैक खातामा करोडौ रकम जम्मा हुन थालेपछि भारतीय जाँच एजेन्सी प्रवर्तन निर्देशनालय र फाइनान्सियल इन्टेलिजेन्स युनिटका अधिकारीले भारतको १ हजार ७ सय ६१ दलमाथी अनुसन्धान शुरु गरेको छ।
हजार र पाँच सयको पुरानो नोटमा प्रतिबन्ध लगाइएको अवस्था र बैकमा पुरानो रकम जम्मा गर्ने अवधी सकिएपछि पनि दलको खातामा पैसा जम्मा भएको खुले पछि दुबै जाँच एजेन्सीले दलका खातामाथी अनुसन्धान शुरु गरेको हो ।
राजनीतिक दलको खातामा जम्मा भएको रकमबारे अनुसन्धान गर्न दुबै एजेन्सीले देशभर युनिट विस्तार गरेको छ । केही अनुसन्धानमा उपलब्धी समेत पाइसकेको छ।
अनुसन्धानकोक्रममा दुबै जाँच एजेन्सीले भारतको विएसपी बैकमा जम्मा भएको एक सय ४ करोड रुपैंया पत्ता लगाएको छ जुन बैंकमा पुरानो नोट जम्मा गर्ने अवधी सकिएपछि जम्मा भएको थियो।भारतीय चुनाव आयोगका अनुसार सन् २०१६ सेप्टेम्बरसम्म भारतमा १ हजार ७ सय ६१ दल दर्ता छन्। जसमा ७ दल राष्ट्रिय पार्टीको मान्यता प्राप्त छ। ४८ वटा पार्टीले क्षेत्रिय दलको मान्यता पाएको छ। त्यसमा १ हजार ७ सय ६ पार्टीले मान्यता पाउन सकेका छैनन्।
दुबै जाँच एजेन्सीले आफ्ने अनुसन्धानलाई मान्यता नपाएका यीनै दल केन्द्रित गरेको छ। दुबै एजेन्सीले केही राष्ट्रिय र क्षेत्रिय दलको बैंक खातालाई समेत शंकाको सुचीमा राखेको छ।मुख्य चेन्नेई,बैंग्लोर र विशखापट्टनम क्षेत्रमा रहेका बैकका खाताको अनुगमन शुरु भइसकेको छ। सो क्षेत्रका ५ बैंकको १४ शाखामा जम्मा भएको पैसाबारे अनुसन्धान भइरहेको छ।यी १४ शाखामा दक्षिण भारतको अधिकांश क्षेत्रिय दलको खाता रहेको छ।
१३ पुस २०७३, बिजमाण्डु, १०।१५
वि.सं.२०७३ पुस १३ बुधवार १०:३१ मा प्रकाशित
