काठमाण्डौं । कृषिविकास बैंक लिमिटेडले आफ्ना ग्राहकहरुलाई एडिबिएल स्मार्ट बैकिंङ नामक मोबाइल बैंकिग सेवा उपलब्ध गराउने छ । यसका लागि बैंक र र एफ वान सफ्ट इन्टरनेशनल प्रालि बीच आज एक कार्यक्रममा सम्झौता भएकोछ ।
सम्झौतामा बैंकका तर्फबाट बजार तथा शाखा व्यवस्थापन विभागका विभागीय प्रमुख प्रेम कुमार श्रेष्ठ तथा एफ वान सफ्टका प्रमुख कार्यकारी अधिकृत सुवास शर्माले हस्ताक्षर गरेका छन् ।
एफवान सफ्टले तयार गरेको उक्त सफ्टवेयर अत्यन्त सुरक्षित, भरपर्दो तथा हालसम्म नेपालका अन्य बैंकहरुमा प्रयोग नभएको सुरक्षा प्रणाली र यस मार्फत हुने वित्तिय कारोबारलाई थप सुरक्षितगर्न ओटिपीको व्यवस्था समेत रहेको बैंकले जनाएको छ ।
यो सेवा मार्फत् हरेक कारोबारको सूचना प्राप्त हुने, रकम ट्रान्सफर गर्न सकिने, स्टेटमेन्ट तथा चेकबुक अनुरोध गर्न सकिने, चेक तथा डेविट कार्ड आदि रोक्का गर्ने सकिने, कर्जाको साँवा तथा व्याज भुक्तानी सम्बन्धि जानकारी लिन सकिने लगायतका अन्य सुविधाहरु उपलब्ध हुनेछन् ।
४ माघ २०७३, ४।१०
वि.सं.२०७३ माघ ४ मंगलवार १६:२२ मा प्रकाशित
