काठमाण्डौं । कर्मचारी सञ्चय कोषले विदेशमा काम गर्ने नेपालीहरुले अबको एक वर्षभित्रै आफूले कमाएको रकम संचयाकोष बचत गर्न पाउने भएका छन् ।
यसबाट प्रवासी नेपालीले स्वदेश फर्किएपछि पनि कोषबाट बचतसहित विभिन्न सुविधा उपयोग गर्न सक्नेछन् । अहिले कर्मचारी सञ्चयकोष अन्तरगतका वचतकर्ताले पाइरहेका सबै सुविधा विदेशमा काम गर्नेले पनि पाउनेछन् ।
अर्को आर्थिक वर्ष २०७४÷७५ बाट विदेशमा काम गर्ने नेपाली पनि सञ्चय कोषमा आवद्ध हुन सक्ने संचय कोषले जनाएकोछ । यसका लागि पहिलो चरणमा साउदी, कतार, युएई, कुवेत लगायत खाडी मुलुकहरुबाट कामदारको रकम कोषअन्तरगत ल्याउने प्रक्रिया थालिने छ । त्यसपछि लगत्तै मलेसियाका नेपाली कामदारलाई पनि कोषमा आवद्ध गर्ने योजना बनेको छ ।
५ माघ २०७३,
वि.सं.२०७३ माघ ५ बुधवार १५:१० मा प्रकाशित
