मेक्सिको र अमेरिकाको सिमानामा पर्खाल लगाउने अमेरिकाको निर्णय मेक्सिकोका राष्ट्रपति इनरिकी पेन निइटोले अस्विकार गरेका छन् । उनले “कुनै प्रकारको पर्खालका लागि कुनै चलखेल हुन दिइने छैन” भनेका छन् ।
अमेरिकाले पर्खाल बनाउने निर्णयको खेद प्रकट गर्दै यसले अमेरिका र मेक्सिकोलाई विभाजित गर्ने ट्विटरमा राखेको भिडियो वक्तव्यमा उनले भनेका छन् । मेक्सिको र अमेरिकाको सिमानामा पर्खाल बनाउने निर्णयमा अमेरिकाका राष्ट्रपति ट्रम्पले बुधबार बिहानै हस्ताक्षर गरेपछि प्रतिक्रियास्वरुप मेक्सिकोका राष्ट्रपतिको यो वक्तव्य आएको हो ।
मेक्सिकोे पर्खालमा विश्वास गर्दैन, यो अति नै भएको र मेक्सिकोले कुनै प्रकारको पर्खालका लागि सहयोग नगर्ने उनले आफ््नो व्यक्तव्यमा स्पष्ट पारेका छन् ।
प्रकाशित मितिः २०७३ माघ १३
वि.सं.२०७३ माघ १३ बिहीवार १४:५८ मा प्रकाशित