२० मेगावाटको तल्लो मोदी जलविद्युत आयोजनाबाट २०७४ साउनसम्म बिजुली उत्पादन हुने भएको छ । निर्माण अन्तिम चरणमा पुगेकाले तोकिएको समयमै उत्पादन हुने देखिएको हो ।
अहिले आयोजनाको ८० प्रतिशत काम पूरा भएको छ । बाँकी काम सकेर साउनभित्रै बिजुली उत्पादन हुने प्रवर्द्धक ज्ञानेन्द्रलाल प्रधानले बताए । ‘आयोजनाको ८० प्रतिशत काम पुरा भयो,’ उनले भने, ‘आगामी साउनदेखि उत्पादन सुरु हुन्छ ।’ मनाङ ट्रेड लिंक प्रालिले निर्माण गरिरहेको आयोजनाको सुरुङको काम पूरा भएको छ ।
प्रकाशित मितिः २०७३ फागुन ४
वि.सं.२०७३ फागुन ४ बुधवार १६:२४ मा प्रकाशित