काठमाण्डौं । सिनर्जी हाइड्रोपावर लिमिटेडको साधारण सेयर आईपीओ नपरेको पैसा लगानीकर्ताले फागुन १० गते मंगलबारबाट फिर्ता पाउने भएका छन् । कम्पनीको बिक्री प्रबन्धक सानिमा क्यापिटलले १६ बैंक तथा वित्तिय संस्थामा खाता भएका लगानीकर्तालाई सिधै बैंक खातामा रकम भुक्तानी गर्नेछ ।
यसरी खातामा नै आईपीओ नपरेको पैसा फिर्ता हुनेमा सानिमा र लक्ष्मी बैंक रहेका छन् । त्यस्तै विकास बैंकहरुमा कैलाश, ओम, टुरिजम्, एस, मुक्तिनाथ, देव,सांग्रिला, र तिनाउ रहेका छन् । फाईनाइन्स कम्पनीहरुमा सिनर्जी, मन्जुश्री, युनिक, प्रोग्रेशिभ, र रिलायन्स रहेका छन् । अन्य बैंक तथा वित्तिय संस्थामा खाता भएका लगानीकर्ताले आबेदन दिएको स्थानबाटै फिर्ता रकम पाउनेछन् ।
८ पुस देखि १२ गतेसम्म निष्काशन गरिएको एक सय रूपैयाँ अंकित दरमा २१ करोड रुपैयाँ बराबरको २१ लाख कित्ता आइपीओ फागुन ५ गते बाँडफाँड भएको थियो । जसमा १ लाख २९ हजार आवेदकबाट ६ अर्ब ८१ करोड रुपैयाँ बराबरको आवेदन परेको थियो ।
१० फागुन २०७३, ११।००
वि.सं.२०७३ फागुन १० मंगलवार १२:०९ मा प्रकाशित