काठमाण्डौं । सहयोगी बिकास बैंक र हाम्रो बिकास बैंकले हकप्रद सेयर निस्कासनको लागि धितोपत्र बोर्डमा निबेदन दिएका छन्। सहयोगी बिकाश बैंकले साबिक सेयर धनीलाई १० सेयर बराबर ३.५ अनुपातमा र हाम्रो बिकाश बैंकले साबिक एक कित्ता सेयर हुनेलाई दुई कित्ताको दरले हकप्रद दिन लागेको हो।
सहयोगी बिकास बैंकले ११ करोड एक लाख १३ हजार पाँच सय रुपैयाँ बराबरको ११ लाख एक हजार १३५ कित्ता हकप्रद सेयर निस्कासन गर्ने भएको छ । बैंकको हाल ३१ करोड ४६ लाख चुक्ता पूँजी रहेको छ। बैंकले गत वर्षको नाफाबाट सेयर धनीलाई २३.१६ प्रतिशत बोनश सेयर दिएको थियो। बैंकले पुष मसान्त सम्म पाँच करोड ६५ लाख रुपैयाँ खुद मुनाफा आर्जन गरेको छ।
हाम्रो बिकास बैंकले ३० करोड ५८ लाख ३३ हजार आठ सय ७५ रुपैयाँ बराबरको ३० लाख ५८ हजार ३३८ कित्ता सेयर निस्कासन गर्न लागेको हो। बैंकको चुक्ता पूँजी हाल १५ करोड २९ लाख रुपैयाँ रहेको छ। गत पुस मसान्तसम्म दुई करोड १५ लाख रुपैयाँ खुद मुनाफा आर्जन गरेको छ ।
हकप्रद निस्कासनका लागि सहयोगी बिकास बैंकले बिक्रि प्रबन्धकका रुपमा एनसीएम मर्चेन्टलाई तोकेको छ भने र हाम्रो बिकास बैंकले एनआइबिएल क्यापिटललाई राखेकोछ ।
१३ फागुन २०७३, १।००
वि.सं.२०७३ फागुन १३ शुक्रवार १३:४८ मा प्रकाशित
