काठमाण्डौँ । रिलायबल माइक्रोफाइनान्सले ५० प्रतिशत हकप्रद सेयर निष्काशनको प्रकृया अघि बढाएको छ । माइक्रोफाइनान्स सञ्चालक समितिले गत असोज १० गते गरेको हकप्रद निष्काशनको प्रस्ताव गत मंसिर १८ गते सम्पन्न साधारणसभाबाट पारित भएको थियो ।
माइक्रोफाइनान्सको करिब दुई लाख ८२ हजार पाँच सय कित्ता हकप्रद सेयर निष्काशनको सम्पूर्ण जिम्मा सिभिल क्यापिटलले पाएको छ । गत बिहीबार भएको सम्झौतामा सिभिल क्यापिटलका प्रमुख कार्यकारी अधिकृत पराग विष्ट तथा रिलायबल माइक्रोफाइनान्सका प्रमुख कार्यकारी अधिकृत किरण कुँवरले हस्ताक्षर गरेका छन् ।
लमजुङको बेसीशहरमा मुख्य कार्यालय रहेको लघुवित्तले चालु आर्थिक वर्षको दोस्रो त्रैमाससम्ममा आफ्नो जगेडा कोषमा एक करोड ७४ लाख ७३ हजार रुपैंया सञ्ति गर्दै ७१ लाख ९८ हजार रुपैंया खुद नाफा कमाएको थियो । गत आर्थिक वर्षको कमाईबाट लगानीकर्तालाई २० प्रतिशत नगद लाभांस मात्र बितरण गरेको माइक्रोफाइनान्सको प्रतिसेयर आम्दानी २५ रुपैंया ४८ पैसा रहेको छ ।
१५ फागुन २०७३, ११।००
वि.सं.२०७३ फागुन १५ आइतवार ११:२५ मा प्रकाशित