काठमाण्डौं । टुरिजम् डेभलपमेन्ट बैंक लिमिटेडले प्रस्ताब गरेको एक बराबर एकको अनुपात हकप्रदलाई नेपाल धितोपत्र बोर्डले अनुमति दिएको छ । बोर्डले बैंकलाई आइतबार अनुमति प्रदान गरेको हो ।
यसअधि सिटिजन्स् बैंकले २५ प्रतिशत तथा प्रभू इन्स्योरेन्सले ५० प्रतिशत हकप्रद जारी गर्न बोर्डबाट फागुन १२ गते विहीबार बोर्डको अनुमति प्राप्त गरेका थिए ।
बैंकले एक सय रुपैयाँ अंकित मूल्यमा ९१ करोड ९७ लाख ७१ हजार दुई सय रुपैयाँ बराबरको ९१ लाख ९७ हजार सात सय १२ कित्ता हकप्रद सेयर जारी गर्न लागेको हो । हाल बैंकको चुक्तापूँजी ९१ करोड ९७ लाख रुपैयाँ रहेको छ ।
बैंकले सेयर निष्काशन तथा विक्री प्रबन्धकमा एनआईबिएल क्यापिटल मार्केट लिमिटेडलाई नियुक्त गरेको छ ।
१६ फागुन २०७३, ११।००
वि.सं.२०७३ फागुन १६ सोमवार ११:१९ मा प्रकाशित