काठमाण्डौं । सप्तकोशी डेभलपमेन्ट बैंकले शुक्रबारदेखि ९७ हजार पाँच सय २६ कित्ता सेयरमा शिलबन्दी बोलपत्र आह्वान गरेको छ । बैंकले शुक्रबार अर्थात चैत १८ गतेदेखि संस्थापकतर्फ ५६ हजार सात सय कित्ता तथा सर्वसाधारणतर्फको ४० हजार आठ सय २६ कित्ता सेयर लिलामी मार्फत बिक्री गर्न लागेको हो ।
बैंकले पुस २४ गते देखि फागुन १ गते सम्म १० लाख कित्ता हकप्रद निष्कासन गर्दा बिक्री नभएको सेयर लिलामीमा बिक्री गर्न लागेको हो । बैंकको सेयर विक्री प्रवन्धक एनएमबि क्यापिटल रहेको छ ।
मोरङको बिराटनगरमा मुख्य कार्यालय रहेको बैंकको लिलामी सेयरमा आवेदन गर्न इच्छुक लगानीकर्ताले बैंकको सेयर निष्काशन तथा बिक्री प्रबन्धक तथा सप्तकोशी डेभलपमेन्ट बैंक विराटनगरबाट चैत २५ सम्म सेयर लिलमी आवेदन फारम प्राप्त गर्न र बुझाउन सक्नेछन् ।
ईच्छुक लगानीकर्ताले न्यूनतम एक सय कित्ता देखि अधिकतम कित्ताका लागि आवेदन गर्न सक्नेछन् । आवेदन गर्दा एक सय रुपैँयाभन्दा माथि मूल्य अंकित गरी १० कित्ताको गुणांकमा आवेदन गनुपर्नेछ । धेरै मूल्यमा आवेदन गर्ने आवेदकलाई प्राथमिकता दिएर सेयर बाँडफाँड गरिनेछ । बोलपत्र चैत २७ गते दिउँसो ३ बजे संस्थापक समूहको र ४ बजे सर्वसाधारण समूहको क्यापिटलमा खोलिनेछ ।
२० चैत २०७३, ७।००
वि.सं.२०७३ चैत २० आइतवार ०७:१७ मा प्रकाशित
