काठमाडौ । यो साता नेप्से परिसूचक पहिलो दिनको तुलनामा १६.०७ अंकले घटेर अन्तिम दिन १६५१.०४ अंकमा पुगेको छ । सातामा ‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा ३.७३ अंकले घटेर ३५८.४७ अंकमा आईपुगेको छ ।
यो साता नेपाल स्टक एक्सचेन्ज (नेप्से)मा अघिल्लो साताको तुलनामा कारोबार रकम ९ दशमलव ०८ प्रतिशत घटेको छ । यो साता नेप्सेमा १५५ कम्पनीहरुको ६ अर्ब ५४ करोड ५३ लाख ११ हजार रुपैयाँ बराबरको एक करोड १० लाख ६२ हजार ६ सय १० कित्ता सेयरहरु खरिद बिक्री भएका छन् । गत साता १५५ कम्पनीहरुको सात अर्ब १९ करोड ८९ लाख ८३ हजार रुपैयाँ बराबरको एक करोड ४० लाख ४१ हजार १० कित्ता सेयरहरु खरिद बिक्री भएको थियो ।
कारोबार रकम (३९ करोड ७३ लाख रुपैयाँ) को आधारमा नेपाल बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (९ लाख ३४ हजार कित्ता) को आधारमा सिद्धार्थ इक्विटी ओरियन्टेड स्किम अग्रस्थानमा रहेको छ । त्यसैगरी कारोबार संख्या (१९४७ वटा) को आधारमा भने नेपाल क्रेडिट एण्ड कमर्स बैंक लि अग्रस्थानमा रहेको छ ।
प्रकाशित मितिः २०७३ चैत २६
वि.सं.२०७३ चैत २६ शनिवार १५:४५ मा प्रकाशित
