एजेन्सी–बलीउडस्टार सलमान खानले यस बर्षको ईदमा आफ्ना प्रशंसकहरुलाई नयाँ फिल्म उपहार दिँदैछन्, ट्यूबलाइट । यो फिल्मले रिलिज अगावैदेखी रेकर्ड बनाइरहेको छ ।
यसैबीच फिल्मको फस्र्टलुक पोस्टर बुधवार रिलिज गरिएको थियो भने बिहिवार दोस्रो पोस्टर पनि आउट भएको छ । फिल्मका निर्देशक कबिर खानले दोस्रो पोस्टर ट्विट गर्दै लेखेका छन्, जाग्नुहोस् सलमानको सलाम आएको छ ।
यो पोस्टरमा सलमानको लुक केही फन्नी र निकै क्यूट देखिन्छ । पोस्टरमा सलमान सलाम गरिरहेका छन् भने उनको घाँटीमा एकजोडी बूट्स देख्न सकिन्छ । फिल्मको पहिलो पोस्टरमा भने सलमान खानको अनुहार देखाइएको थिएन ।
यसभन्दा अगाडी नै यो फिल्म सेन्ट्रल इन्डिया (सीआई) लाई छाडेर अल इन्डिया डिस्ट्रिब्यूसनले सबै अधिकारबाट एनएच स्टूडियोजलाई १३२ करोडमा विक्रि गरिसकेको छ । यो अहिलेसम्मकै सबैभन्दा ठूलो फिल्म हो । कबिर खान निर्देशित यो फिल्म यसकारण पनि खास छ, किनकी फिल्ममा शाहरुख खानले केमियो गरेका छन् ।
ट्यूबलाइट मा लिड रोल निर्वाहा गरेकी हिरोइन चिनिया यूवती हुन, जसको नाम जूजू हो ।
ट्यूबलाइट को कहानी भारत–चीन युद्धमा आधारित छ । निर्देशक कबिर खानसँग सलमानको यो तेस्रो फिल्म हो । यसभन्दा अगाडी उनीहरुले एक था टाइगर र बजरंगी भाईजान जस्ता रेकर्ड तोड फिल्म दिइसकेका छन् । ट्यूबलाइट २३ जुन, २०१७ मा रिलिज हुँदैछ ।
प्रकाशित मितिः २०७३ बैशाख ७
वि.सं.२०७४ वैशाख ७ बिहीवार १७:१५ मा प्रकाशित
