काठमाडौ। १३ बर्षदेखि घाटामा रहेको युनाइटेड टेलिकम लिमिटेड (युटिएल)लाई २ अर्ब १ करोडको नेपाल दुर सञ्चार प्राधिकरणको ठेक्का निर्णय विरुद्ध संसदिय समितिमा उजुरी परेको छ । व्यवस्थापिका संसदको विकास समितिमा युटिएललाई प्रदेश नम्बर ४ र ५ मा अप्टिकल फाइबर बिछ्याउन दिने निर्णय विरुद्ध उजुरी परेको हो । ‘
युटिएललाई अप्टिकल फाइबर दिने निर्णय विरुद्ध समितिमा उजुरी आएको छ, हामीले प्रारम्भिक छलफल भएको छ, चुनावपछि छलफल हुन्छ’, विकास समितिका एक कर्मचारीले भने । प्राधिकरणका प्रवक्ता मिनप्रसाद अर्यालका अनुसार एनसेल भन्दा ७० करोड र वल्ड लिंक भन्दा ५० करोड कममा आवेदन दिएकाले युटिएललाई ठेक्का परेको हो । १५ बर्ष अघि सञ्चालनमा आएको युटिएल पछिल्लो १३ बर्षदेखि बार्षिक करोडौँ रुपैंयाँ नोक्सानीमा रहेको छ ।
गत आर्थिक बर्षमा मात्रै कम्पनीले ७३ करोड ३५ लाख नोक्सानी व्यहोरेको वित्तिय प्रतिवेदनले देखाउँछ । आव २०६५६६ मा त झन यो कम्पनी करिब एक अर्ब नोक्सानीमा गएको थियो । बर्षेनी घाटामा गएको र पुर्व सम्झौता अनुसार सेवा समेत सञ्चालन गर्न नसकेको युटिएललाई गत भदौ २० गते दूरसञ्चार सेवाको एकीकृत अनुमतिपत्र (युनिफाइड लाइसेन्स) दिइएको थियो ।
प्रधानमन्त्री पुष्पकमल दाहालको भारत भ्रमण अघि भारतीय लगानीको युटिएललाई युनिफाइड लाइसेन्स दिइनु आफैंमा संकास्पद रहेको आरोप लागिरहेको छ । पुरानो सेवा प्रभावकारी रुपमा सुचारु नगरेको र युनिफाइड लाइसेन्स अनुसार सेवा विस्तारको काम अघि नबढाएको भन्दै प्राधिकरणले प्रगति प्रतिवेदन मागेको छ ।
एक बर्षभित्र ४४ जिल्लामा सेवा विस्तार गर्ने भन्दै युनिफाइड लाइसेन्स लिएको कम्पनीले हालसम्म काम अघि बढाएको छैन । हाल जम्मा २३ जना कर्मचारी मात्रै कार्यरत छन् ।
सेवा विस्तार गर्ने भन्ने कम्पनीले १० वर्ष भन्दा बढि अबधि सेवा गरेका विभिन्न कर्मचारीहरुलाई कारण बिना नै हटाएको छ । युटिएलले हटाएका कर्मचारीहरु कतिकाृे त बिचल्ली नै छ । उनीहरुले पूर्ववत् अवस्थामा काम गर्ने पाउनुपर्ने माग गर्दै विभिन्न निकाय धाएपनि अझैसम्म उनीहरुको बारे सुनुवाई हुन सकेको छैन । कम्पनीले हटाएका कर्मचारीहरु अहिले मुद्धा लडिरहेका छन् । यस्तो कर्मचारीमारा युटिएललाई सरकारी लाईसेन्स दिनुभन्दा अगावै बिबिध विषयमा विचार पुर्याईएन भने त्यसले झन् ठूलो चुनौति थपिने एक माओवादी नेताले बताएका छन् । युटिएलका सबै विषयमा छानबीन हुन्छ ति नेताले बताए ।
प्रकाशित मितिः २०७४ बैशाख २४
वि.सं.२०७४ वैशाख २४ आइतवार ११:३१ मा प्रकाशित
