काठमाडौ । कृषि बिकास बैंक लिमिटेडले आक्रामक योजना अन्तर्गत आधुनीक बैकिङ सेवाहरु शहर देखि गाउँ सम्म विस्तार गर्ने भएको छ । बैंकिङ्ग सेवाबारे सबैलाई जानकारी गराउने अभिप्रायले “वित्तीय साक्षरता कार्यक्रम” संचालनमा ल्याई बैंकिङ्ग पहुंचमा सर्वसाधरणलाई समेटने गरी आफ्ना कार्यक्रमहरु बैंकका शाखाहरुबाट नियमित रुपमा संचालन गरिरहेको हो ।
नेपाल सरकारको अधिक शेयर हिस्सा रहेको यस बैंकले आफ्ना ग्राहकहरुको बचतमा समुचित व्याज उपलव्ध गराउंदै आएको छ । बैंकका प्रवक्ता तथा सूचना अधिकारी हिमलाल पौड्यालका अनुसार बैंकले कानुनी रुपमा स्थापित संघ संस्थाहरुमा कार्यरत कर्मचारीहरुका लागि “कर्मचारी निवृत्तीभरण बचत खाता” नामक नयां बचत योजना लगायत बचत तथा मुद्दती खातामा आकर्षण व्याज उपलव्ध गराउने गरी विविध नाम दिई बचत तथा मुद्दती योजना समेत संचालनमा ल्याएको छ ।
ग्राहकहरुको सुविधालाई ध्यानमा राखी उल्लेखित सुविधा तथा सेवाहरु देशका दुर्गम ठाउंमा रहेका बैकका शाखाहरुबाट नियमित रुपमा उपलव्ध गराईएको छ । यसै गरी प्रर्याप्त जानकारीको अभावमा बैंकिङ्ग सेवाबाट बञ्चित भएका आम नेपाली दाजु भाई÷दीदी बहिनीहरुलाई बैंकिङ्ग सेवाबारे जानकारी गराउने अभिप्रायले “वित्तीय साक्षरता कार्यक्रम” संचालनमा ल्याई बैंकिङ्ग पहुंचमा सर्वसाधरणलाई समेटने गरी आफ्ना कार्यक्रमहरु बैंकका शाखाहरुबाट नियमित रुपमा संचालन गरिरहेको पौड्याले बताए ।
बैंकले देशभर छरिएर रहेका आफ्ना ग्राहकहरुलाई आधुनिक प्रविधियूक्त बैकिङ्ग सेवा उपलव्ध गराउने उद्देश्य अनुसार नयां सेवा तथा सुविधाहरु थप्दै लग्ने क्रममा एस.एम्.एस बैंकिङ, मोवाइल बैंकिङ,भिसा कार्ड सेवाहरु उपलव्ध गराई सकेको छ । त्यस्तै एटिएम सेवालाई सर्वसाधारणको पहुंच हुने गरी ग्राहकहरुको माग अनुसार हाल ४१ वटा एटिएमबाट सेवा उपलव्ध गराउंदै आएको बैंकले जनाएको छ । बैंकले एटिएम सेवालाई ग्राहकको माग अनुसार थप्दै लग्ने नीति लिएको छ ।
प्रकाशित मितिः २०७४ जेठ १६
वि.सं.२०७४ जेठ १६ मंगलवार १५:२० मा प्रकाशित